VOV4.K’ho – Là tiah geh gal làng bol kòn cau ơm kis, gơ noar atbồ mờ làng bol kơnhòal Đăk Đoa, càr Gia Lai neh geh ua\ jơnau bơceh pa nàng mblàng yal geh cồng nha, dong làng bol lơh jat niam broă rơcang sơndră kòp Covid-19 tàm [òn lơgar.

Nggùl nhai do, dùl ngai 2 dơ\ tàm [ùi drim mờ [ùi mho, sap ntas loa kẹo kéo bơh ồng Đỗ Quang Cảm dê neh gơ gơs mờng quèng ngan gơ wèt mờ làng bol kòn cau Jrai, Bahnar tàm xã Ia Pết, kơnhòal Đăk Đoa. Ồng chờ hờp yal, jơh sa tềp pa do, ồng blơi loa do nàng hìu bơnhă in đơs karaoke tu\ ru broă lơh sa suơn sre, mơya mìng pa rơp ngui geh 2, 3 dơ\ den loa do neh geh tam gơl jơnau kờ` ngui. Mờ gơnoar broă là Chủ tịch Mặt trận dà lơgar xã Ia Pết, ồng neh dan băng mblàng yal bè rơcang sơndră kòp Covid-19 mờ 3 dà đơs là dà yoan, dà kòn cau Bahnar mờ dà Jrai, cài tàm điện thoại at tê, pah ngai ngui loa kẹo kéo bơh hìu bơnhă dê pơndiang lòt làm 8 thôn, [òn nàng làng bol in klo.

Sap ntas loa kẹo kéo hơ\ mpong ntas pah ngai neh pơ gồp bơnah dong làng bol ală kòn cau tàm xã Ia Pết git loh jơnau đơs “Sơndră mờ kòp bè tam dră mờ bol sò tơm” bơh dà lơgar dê. Ua\ dơ\ `ô bau tàm xã gơtìp ơm ing, ală dơ\ ies [ồc ờ gam bơta tơr gùm `ô sa ua\ ngai bè lài tai. Kòn, sau lòt bơh ngài rê ndrờm geh hìu bơnhă tơngkah bè jơnau git wă tam cah is nàng rơcang sơndră kòp.

Ồng Đỗ Quang Cảm chờ hờp yal, mìng kờp is tàm pơgap 1 nhai rềp ndo, tàm xã neh geh 57 nă cau bơh tiah ndai rê den ndrờm tus gơnoar atbồ nàng yal gah lơh sơnơm in, tam cah is 14 ngai jat jơnau sồr: “Làng bol kòn cau geh ờ ua\ cau kra ờ geh bơsram sră. Mặt trận dà lơgar xã bol hi dê geh broă lơh là ngui loa kẹo kéo pờ mờ 3 dà đơs tus tơl thôn, [òn, pờ tơlik mờ tơl dà đơs bơh tơl tiah dê den go\ cồng nha mblàng yal niam rlau. Làng bol neh git pơn chèu glòm muh mat, nggui kềng bơdìh hìu kung pơn sơl, ràu tê mờ sơ [ong pah ngai, cau rê bơh tiah ngài den git lòt is tus gơ noar atbồ nàng yal gah lơh sơ nơm in”.

Ồng Đỗ Quang Cảm, Chủ tịch Ủy ban Mặt trận dà lơgar xã Ia Pết, kơnhòal Đăk Đoa

Ai tàm [òn Piơm, thị trấn Đăk Đoa, làng bol jat yàng bàp bơh hìu yàng Phao lô Hneng dê neh tam gơl jơh broă pơrjum. Lài mờ tu\ lơh jat broă ơyah, tam cah ngài, tam cah is mpồl bơtìan, làng bol jat yàng bàp neh geh bèp yàng mblàng yal mờ rùp bè bơta ngòt rơ ngơt bơh kòp Covid-19 dê. Tu\ do, ala mờ tơr gùm tàm hìu jum tàm àng drim ngai dơ\ 7 mờ ngai rlô pah poh, den làng bol jat yàng bàp neh rac yàng is tàm hìu. Tơl broă lơh bơh hìu yàng bàp dê geh mblàng yal tus tơl nă cau jat yàng bơh mpồl dong broă.

Ồng Lick, cau jat yàng bàp tàm [òn Piơm, thị trấn Đăk Đoa pà git, mờ bơta pơlam bơh ală bèp yàng dê, hìu lơi pơrjum tàm hìu hơ\, mơya kung gam gàr niam bơta ndu gơn rơh mờ bơta pin dờn jat jat yàng: “Bèp yàng bơ to bơtê bè broă rơcang sơndră kòp corona do, pờ lơma geh tơngume ndrờm bè tơngume mblàng yal bơh kuang bàng dê. Tu\ do, bol hi tam gơl, ờ lòt hìu jum tai, tam cah is, ờ tơr gùm gal cau, dùl nă cau tài bơh tơl nă cau. Bè hơ\ là niam ngan, hơ\ là gùng dà di ngan. Gơ wèt mờ hìu yàng kung lơh jat niam ngan. Bơta pin dờn, jat yàng bơh hìu bơnhă a` dê ờ tam gơl”.

Ồng Lick (đah kiau) lơh jat jơnau sồr ơm tàm hìu nàng rơcang sơndră kòp Covid-19

“Sơndră mờ kòp bè tam dră mờ bol sò tơm” – dơ\ sơndră mờ kòp Covid-19 tàm kơnhòal Đăk Đoa neh tơr gùm geh bơta ring bal dùl nùs bơh jơh gùt mpồl bơtìan dê, bulah cau yoan halà cau kòn cau, cau jat yàng halà cau ờ jat yàng. Sră nggal mblàng yal, rơcang sơndră kòp geh lơh niam ngan mờ 3 dà đơs: dà yoan, dà Bahnar mờ dà Jrai jàu tus tơl hìu mờ tàm ală pang mạng xã hội zalo, facebook bơh ală mpồl dê. Mặt trận dà lơgar kơnhòal pơgồp bal mờ ală cau kơ đơng yàng, cau duh broă yàng, cau kra [òn, cau geh bơngă pin dờn sùm mblàng yal, bơ to pơlam broă rơcang sơndră kòp tus tơl thôn, [òn, tơl hìu bơnhă. Bal mờ hơ\, ală mpồl cau tàm kơnhòal neh phàt mờr 5 rbô nơm chèu glòm muh mat, 500 nơm sơ [ong mờ 300 gri dà lơh kloh khuẩn ai làng bol ală kòn cau Bahnar mờ Jrai in.

Git bè dơ\ sơndră mờ kòp Covid-19, làng bol lơh jat niam broă tam cah is mpồl bơtìan, ơm ing mờr 20 dơ\ `ô bau, jơh nùs dong kờl pria\ mờ phan bơna ai mpồl lam lài tàm broă rơcang sơndră kòp in.

Sră nggal mblàng yal geh mblàng mờ dà kòn cau Bahnar geh phàt tus tơl hìu

Ồng Đinh Ơng, Chủ tịch Ủy ban Mặt trận dà lơgar Việt Nam kơnhòal Đăk Đoa pà git, làng bol ală kòn cau, ală gah jat yàng tàm Đăk Đoa neh ngan ngồn tơr gùm gơs dùl mpồl tam klac rơcang sơndră kòp: “Lài do tàm rài tam lơh den làng bol dùl nùs bal tam dră mờ bol sò tơm. Tu\ do, bơh jat sền, hòi jà den sền go\ bơta tam klac ua\ tàm [òn lơgar, ờ tam cah là cau jat yàng halà ờ jat yàng. Sền go\ loh bol he neh tơnguh wơl bơta pơn iờ să jơi bơtìan, bơta tam klac bal dùl nùs sơndră mờ kòp”.

Kòp Covid-19 gam gơlik geh kal ke tàm lơgar he. Git tơnguh nùs nhơm tam klac bal ală kòn cau, ală gah jat yàng bè tàm kơnhòal Đăk Đoa, càr Gia Lai den ngan là jơh gùt mpồl bơtìan geh bal mờ gơp kơryan gơtùi bơta bơ tờp ua\ bơh virus SARS-CoV2 dê.

Cau mblàng K’Duẩn