VOV4.K’ho - Tềng đăp mờ nam bơsram pa, anih lơh broă geh gơnoar càr Gia Lai neh go\ g^t nđờ rơbô pang sră măi ờ ngan. Ờ mìng tìs mờ gơnoar lơh, ờ gàr niam bè tơngu me bal mờ broă lơh, mờ sră măi ờ ngan gam lơh gơbàn tơn tus mờ bơta niam broă bơsram sră kơnòm bơsram dê.

Pa do, bơh jơnau yal mpồl sền gròi òm pà go\, Mpồl atbồ drà kă bro sồ 12, đah atbồ drà kă bro càr Gia Lai neh bơyai sền gròi ni sơna hìu kă bro Lê Văn Trí, tàm mpồl sồ 6, sơnah [òn Yên Thế, [òn dờng Pleiku, Siêu thị tăc sră Vĩ Yên tàm sồ hìu 807, gùng Hùng Vương, thị trấn Cư\ Sê, kơnhoàl Cư\ Sê, hìu kă bro Toàn tàm sồ hìu 40 gùng Phan Đình Phùng, [òn dờng Pleiku.

                 Sră geh tem là ngkàr nilon gời. Tem sră ngan geh logo hìu l^p sră giáo dục

Cồng nha go\, mpồl lơh broă geh gơnoar go\ rơlao 3 rơbô 500 pang sră măi ờ geh jơnau cih lơh cơng geh sră tăc bal mờ anih lơh gơs. Khà sră măi ờ ngan do geh ală cau tòm tăc phan rơndăp bơrlu\ bal mờ uă sră ngan mờ klơm ha là kơ\t bal gơs dùl mpồl sră. Bơta do lơh cau mè cau bèp bal mờ kơnòm bơsram pal blơi sră ờ ngan là uă ngan.

Mùl màl, tu\ do, uă cau mè bèp kơnòm bơsram gam ờ g^t bè lơi tu\ kơno cau yal tus mờ sră măi ờ ngan do. Bi Hoàng Văn Thái, cau mè bèp kơnòm bơsram kis tàm [òn dờng Pleiku pà g^t:

-A` ờ hềt pơn drờm den tàng ờ g^t loh sră ngan mờ sră ờ ngan. A` kơlôi là sră ờ ngan bè pơ-àr, lơh ờ niam tus mờ măt sền kơnòm bơsram. Di lah he geh pin pơrdah, di gơlan he pal sền mã vạch tềng pang sră măi.

Mò Nguyễn Thị Kim Liên, lơh broă sền gròi tàm mpồl atbồ drà kă bro sồ 12, đah atbồ drà kă bro càr Gia Lai pà g^t, uă ngan sră ờ ngan neh gơtìp ku\p là broă dà Mỹ bơh ơdu\ 1 tus ơdu\ 9 mờ sră bài tập bơtơl bơh ơdu\ 3 tus ơdu\ 9, ndrờm geh khà priă cih tềng ngkàr sră rơlao 30 rơbô priă tàm 1 pang. Is mờ ală nam lài, sră ờ ngan nam do geh l^p niam măi ngan.

  Tu\ gơtìp di blơi sră măi ờ ngan dà Mỹ ờ ngan, kơnòm bơsram ờ gơtùi jòi tàm pang web hìu l^p sră

Mơya, bơta lơh aniai là tàm broă l^p sră, geh ờ uă tơngu me tàm pang sră ờ di pal di lah pơn drờm mờ sră ngan. Gơwèt mờ sră dà Mỹ, kơnòm bơsram ờ gơtùi jòi tàm ală pang web bơh hìu l^p sră dê kờ` ai geh jơnau drơng tàm broă bơsram:

-Sră ờ ngan mờ sră ngan kal ke ngan kờ` đal g^t mờ măi bè ờs. broă kờ` đal g^t [uơn ngan là ai bơh tàm tem wil tềng ngkàr sồ 04 bơh pang sră dê. Tu\ pờ, di lah sră ngan den tem geh akhar cih Giáo dục l^p tềng tem loh làng ngan.

Gam tem sră ờ ngan tu\ pờ den mìng là dùl pang sră nilon gời. bơdìh hơ\ tai, di gơlan geh sră koah sồ seri, di lah koah, sồ seri hơ\ geh jòi go\ pang web ndrờm bal den hơ\ là pang sră ngan. Di lah pang web yal pơrhê là bơta do neh geh ngui den hơ\ là sră ờ ngan.

Jăt bi Đào Bích Trường, kuang atbồ anih kă bro, công ty cổ phần sră mờ phan hìu bơsram Gia Lai yal, tài geh lơh nền nòn uă rơlao mờ sră măi ngan, den tàng sră ờ ngan mờng tus tàm drà kă bro bơh ală hìu tăc phan dềt:

-Cau hơ\ ờ roh priă l^p, gơnoar lơh, cau lơh gơs, khà priă ờ kas den sră ờ ngan [uơn ngan tus tàm drà kă bro. Rơlao mờ hơ\ tai, cau blơi kal ke ngan kờ` g^t đal, ờ kas den blơi. Mơya tơngu me tòm ờ niam là dà mờk ờ loh, sră sền ờ loh lơh gơbàn ờ niam tus mờ măt kơnòm bơsram. Tàm broă lơh ờ di pal, tìs uă, ờ geh broă sền gròi lơi den di gơlan geh tìs gơbàn uă.

Ồng Trần Minh Trường, atbồ mpồl atbồ drà kă bro sồ 12, đah atbồ drà kă bro càr Gia Lai pà g^t, tu\ do, broă kơrian sră ờ ngan tus tàm drà kă bro kal ke ngan. Tài jăt kơrnoăt bơh adăt boh lam dê, anih lơh broă atbồ drà kă bro mìng gơtùi lơh glài mờ priă ală hìu tăc sră ờ ngan.

Den tàng, mìng atbồ geh cồng, ờ gơtùi bơsong jơh tơngu rơyas broă do. Ờ su\k ngan rơlao là tu\ do sră ờ ngan gam tus rơhời tàm tiah sar lơgar ngài, tiah làng bol kòn cau tàm càr do dê:

-Tu\ do bol a` gam pơgồp bal mờ hìu l^p sră Giáo dục tàm [òn dờng Đà Nẵng lơh gơs sră nggal, jào anih lơh broă geh gơnoar kờ` bơsong sră ờ ngan do. Gùng dà broă lơh tàm tơnai tus, bol a` tơnguh broă sền gròi sră ờ ngan, tiah sar lơgar ngài ală kơnhoàl, thị xã. Bơta ndai tai, tơnguh broă sền gròi ală phan hìu bơsram, ào mpha soh ndrờm bal tàm nam bơsram pa.

Sră măi ờ ngan mìng tìs gơnoar cau lơh gơs, mờ gam ờ niam bè broă lơh bal mờ tơngu me jơnau bơsram. Den tàng, kờ` gàr niam broă bơsram sră ai oh kòn in, ală cau mè bèp pal tus ală hìu tăc sră geh bơngă pin dờn kờ` blơi, ba` blơi sră măi ờ ngan.

Cau mblàng Ndong Brawl