VOV4.K’ho – Srơh ai is mhàm tàm kơnhòal Đam Rông, càr Lâm Đồng ngai sơlơ gơ hòi gơ jà ua\ ngan làng bol tus bal. Kuơmàng, nùs nhơm tam pà bal ntờc mhàm pơr hê jàu bơta kơp kơ nờm neh gơ rề ua\ ngan tàm tiah làng bol kòn cau. Ală ntờc mhàm pơr hê nùs nhơm bơh ală [òn neh dong ua\ cau kòp sơr lèt gan bơta ngòt rơ ngơt.

Pah tu\ Hội Chữ thập đỏ kơnhòal Đam Rông bơyai lơh broă lơh ai is mhàm, bi Bia Rai K’Toes, ơm tàm thôn 1, xã Rơ Men, kơnhòal Đam Rông rơcang rơndap jơhbroă hìu bơnhă dê nàng tus bal ai is mhàm. Bi K’Toes pà git, bơh nam 2011 tus tu\ do, bi neh tus bal ai is mhàm 8 dơ\ mờ geh pơn jat tai ai is mhàm tus tu\ lơi ờ sô, ờ gam pràn tai: “Lài mờ tu\ ai is mhàm dơ\ sơn rờp, a` kung ngòt ngan, tài bơh ngòt jơh mhàm, lơh aniai tus pràn kơldang să jan. Mơya tơnơ\ tu\ ai is mhàm a` go\ chờ hờp rlau, tài mhàm he dê neh dong cau ndai. Bơh broă ai is mhàm, a` kung geh tu\ nàng sền gròi pràn kơldang să jan he dê, geh sền mhàm nàng git să tờm he geh ală bơta kòp lơi halà ờ mờ geh tơl pràn nàng ai pà mhàm tai halà ờ”.

Ơruh pơnu kòn cau tàm kơnhòal Đam Rông tus bal ai is mhàm

Tàm dùl dơ\ cau tàm hìu bơnhă gơtìp kòp jê kờ` pal tơmut mhàm, bi K’Thoen ơm tàm thôn 4, xã Liêng Srônh, kơnhòal Đam Rông neh geh ală bác sĩ pơlam ai mhàm nàng dong cau tờm. Sền go\ ai mhàm ờ lơh aniai tus pràn kơldang să jan mờ gam pơgồp bơnah dong kờl cau kòp den tàng bơh nam 2008 tus tu\ do pah nam, bi ndrờm ndrờm tus bal ai is mhàm 1 dơ\. Bal mờ ai is mhàm, bi K’Thoen gam tus tơl hìu bơnhă tàm thôn, hòi jà làng bol tus bal ai is mhàm.

Bi K’Thoen pà git, tus tu\ do gùt thôn neh geh rlau 70% làng bol, tàm hơ\ ua\ ngan là ơruh pơnu tus bal srơh ai is mhàm pah tu\ Hội chữ thập đỏ kơnhòal bơyai lơh: “Broă ai is mhàm a` dê lài ngan là nàng dong ală cau kờ` mhàm bè cau r[ah, cau gơbàn kòp jê halà ală cau ờ bơtuah gơtìp rềs àr. Ală kơldung mhàm he dê geh bơ tơl di tu\ ai ală cau kòp in tu\ khi kờ`”.

Đam Rông là kơnhòal r[ah bơh càr Lâm Đồng dê mờ rlau 73% là làng bol kòn cau ơm kis. Lài do, srơh ai is mhàm bơh kơnhòal dê mìng ơm wơl tàm ală anih lơh broă, hìu bơsram. Den tàng, ua\ nam sùm, srơh ai is mhàm bơh kơnhòal dê ờ lơh geh khà mờ càr jàu.

Ơruh pơnu kòn cau kơnhòal Đam Rông tam pà ntờc mhàm pơr jê jàu bơta kơp kơ nờm

Mơya jat mò Nguyễn Thị Thu Huơng, Chủ tịch Hội Chữ thập đỏ kơnhòal Đam Rông pà git, bơh nam 2015 tus tu\ do, srơh ai is mhàm gơguh pràn ngan tàm ală [òn làng bol kòn cau, broă lơh geh ală khàu geh jàu neh gơ gơs [uơn rlau: “Lài do, đơs tus srơh ai is mhàm là làng bol ờ huan kờ`, tài sơ nơng là ờ geh mhàm nàng pà. Tu\ do den làng bol neh git, tu\ gơbàn kòp jê den ua\ cau kờ` tus mhàm. Mờ hơ\ ơruh pơnu neh git, ai is mhàm ờ lơh aniai tus pràn kơldang să jan, broă ai is mhàm gơtùi dong làng bol he dê in tai. Den tàng jơnau git wă bơh ơruh pơnu dê kung bè làng bol kòn cau neh tam gơl ua\ ngan”.

Bơh dùl kơnhòal sùm ờ tơl mhàm nàng ai pà hìu sơ nơm dờng càr Lâm Đồng in, tus tu\ do, srơh ai is mhàm tàm kơnhòal Ddam Rông ngai sơlơ bơtàu tơnguh làm bă tiah mờ hời rơ hời drơng niam jơnau kờ` ngui mhàm tàm broă sơm kòp, dong kờl cau kòp. Srơh “Tàm pà ntờc mhàm pơr hê jàu bơta kơp kơ nờm” neh mờ gam gơ rề pràn ngan mờ gơ gơs là bơta niam pa tàm làng bol kòn cau tàm kơnhòal Đam Rông.

Cau mblàng K’Duẩn