VOV4.K’ho - Jăt jơnau bơh mpồl đơng lam bè sơndră mờ rềs àr bơh trồ tiah lơh aniai, mìu dà cò tàm ală àcr Dak Nông, Dak Lak, Lâm Đồng… ală ngai do neh lơh 10 nă cau chơ\t; mờr 3 rơbô 900 nơm hìu gơtìp gơbam dà, rơlao 1 rơbô 400 nơm hìu pal ntrờn.

Mờr 21 rơbô lồ kòi, phan tam ờ jo\ tơngai gơtìp gơbam dà; rơlao 4 rơbô lồ phan tam jo\ nam, phan tam pah nam mờ tòm chi sa plai gơtìp hoàc huơr. 53 kơi sồ rơbòng dà gơtìp tơrlah mờ 04 nơm bơtơ\t gơtìp ờ niam; 24 kơi sồ gùng gơtìp tơrlah, 21 nơm rơbàng gơtìp pă.

Kòp du\ hoàc huơr rơlao 1 rơbô tơmàn priă. Tài mìu dà cò gam uă kal ke, Mpồl đơng lam dà lơgar bè sơndră mờ rềs àr bơh trồ tiah sồr ală càr tàm Tây Nguyên, tiah đah jum dà lơgar pơn jăt tai sền gròi nền nòn bơta gơbàn bơh mìu, dà cò kờ` rơcang lơh jăt ală broă sơndră, kuơ màng là broă yuh dà pal tơl niam ờ do ờ dă tàm tiah đah jum in.

Bè bơta aniai bơtơ\t tơnau dơng dà hìu ma\i pờ tơlik ồs đèng Dak Kar, càr Dak Nông, khà dà tàm tơnau gam gơmù, tus 6 jơ nggùl drim ngai 11 nhai 8 ơm tàm khà rơlao 473,73 thơk (ờ uă rơlao mờ tiah hơ đang bồ bơtơ\t dê 6,77 thơk).

Mpồl lơh broă bơh Mpồl đơng lam dà lơgar bè rơcang sơn dră trồ tiah lơh aniai pơn jat tai pơgồp bal mờ ală càr Dak Nông mờ Bình Phước nàng lơh ală broă lơh rơcang sơndră, bơsong ală bơta aniai hìu ma\y pờ tơlik ồs đèng Dak Kar. Mpồl lơh broă sồr ală tiah pơn jat tai jat sền bơta mìu nhàc, rcang lài gàr niam mpồl lơh broă dilah pơn jat tai geh mìu dờng mờ khà dà tàm tơnau sơlèt rơlao 479 thơk, nàng gàr niam ờ do ờ dă ai bơtơ\t dơng dà mờ tiah đah jum bơtơ\t dơng dà in.  

Cau mblàng Ndong Brawl