VOV4.K’ho- Chi cục ătbồ gùng rơndeh 4.1 geh anih lơh broă tàm [òn dờng Dà Làc, càr Lâm Đồng dê pa tă rlau 30 tơmàn nàng lơh wơl 24 kơi sồ gơ wèt Gùng rơndeh dờng 27, gơl lòt gan kơnhoàl Đơn Dương. Mơya, tơnơ\ rlau nggùl nam ai lòt rê, măt gùng uă anih gơtìp kùai, gơmù, `chùn, tơrlah tơrling, lơh gơlik uă jơnau pin wil wơl bè bơta niam lơh gùng.

Gơl gùng pa geh lơh niam wơl tàm gùng rơndeh dờng 27 là 24 kơi sồ tàm tơrbo\ bơh sơne\ pe Phinom tus thị trấn Dran lòt gan kơnhoàl Đơn Dương, càr Lâm Đồng. Mò Nguyễn Thị Thủy, ơm tàm thôn La Bouye, xã Lạc Xuân, kơnhoàl Đơn Dương yal, lài mờ tu\ geh lơh niam wơl, gơl gùng do ơm tàm bơta gơtìp rơđàng bơcah jơh măt gùng rah rài. Nàng lơh niam wơl, mpồl lơh niam wơl gùng neh kuài, crài, tuh lu\ rơđeh mờ sơmăng, dă bê tông cài duh. Mơya, mìng di 1 tơngai lơyah lơm, gơl gùng neh gơtìp ờ niam tai wơl, mờ khà ờ niam den sơlơ uă rlau mờ lài.

Mò Nguyễn Thị Thủy, đơs bè do: Cau tơn bồl wơl den gơ tơrlah tai jơh. Bơh sơnrờp là khi tơn bồl gơl gùng jòng di pơgăp 10 thơk, geh anih bơh 5 tus 7 thơk. Cau tơn bồl jăt gơl bè hơ\ mơya mìng sền go\ di nđờ nhai là gùng gơtìp tơrlah tơrling tai jơh.

                                  Uă gơl gùng pa lơh niam wơl neh gơtìp ờ niam te\ wơl

Bal mờ bàr pe gơl gùng gơtìp rơđàng bơceh măt gùng geh lơh niam wơl mờ neh gơtìp tơrlah tơrling jơh wơl, là ală gơl gùng rơlu\ rơlùn uă ngan geh pơnring, dă cài, tu\ do kung gơtìp `chùn gơmù ù sơl, gơkòl dà bo\ bil mờ rơngòt ngan.

Mò Nguyễn Thị Xiêm, ơm tàm thôn Lạc Viên, xã Lạc Xuân, pà gi\t, bơh bồ nam tus tu\ do, ală mpồl lơh niam wơl gùng sùm kùai wơl mờ lơh bơ\t niam wơl gùng, mơya broă `chùn gơmù ù kung ờ go\ jơh sơl. Mò Nguyễn Thị Xiêm, đơs bè do: Bol a` sền go\ khi lơh gùng ờ go\ geh bơta niam dùl êt lơi. Khi lơh dùl êt ngan cài, uă ngan mìng là bràs mờ lu\ lơm den tàng gơ ờ gơtùi nđềr kơ\ ờ, lòt di bàr pe nhai là lơh niam wơl. Gơl gùng do gơ tơrlah tơrling sùm uă dơ\, gơ ờ niam sùm. Gơl gùng do ngai lài geh kòn ùr dềt dùl êt tai là gơmong chơ\t tơn, rềs àr sùm, gùng ờ niam den tàng khi gơtìp gơ pừ. Bơtô do mang lơi kung geh lơm cau gơ pừ, ngai ne trung thu geh 3 nă oh dềt lòt nhơl kung gơtìp gơ pừ sơl.

                       Làng bol lơh k[àng tơngkah ală rơndeh rơndồ in lòt rê tàm gùng

Jăt ồng Bùi Duy Anh, Kuang atbồ Chi cục atbồ gùng rơndeh dờng 4.1 pà gi\t, geh ngan bơta gơl gùng rơndeh dờng 27 pa lơh niam wơl neh gơtìp ờ niam te\ di ngan bè jơnau mờ làng bol đơs. Mơya, ồng Anh đơs là, jơnau gơbàn gùng mhar gơtìp ờ niam là tài mìu sùm jo\ jòng.

Ồng Bùi Duy Anh, đơs: Gơl gùng do tàm nam 2018, bồ nam 2019 neh lơh wơl mơya mìng là tơn bồl bàr pe tiah lơm, bal mờ priă tă lơh niam wơl là rlau 30 tơlak. Tàm tơngai rềp ndo, geh ală bơta gơbàn bè tơrlah tơrling măt gùng, gơbàn jơnau do là tài bơh gơrềng bơh trồ tiah mìu jo\ jòng sùm. Bè bơta ờ niam rơndăp lơh măt gùng do den tàm hơ\ gơ wèt kơnòl bơh anih lơh niam wơl mờ sền gàr gùng. Chi cục neh geh sră nggal sồr ngan ală anih lơh broă geh gơrềng lơh niam wơl nàng gàr niam ờdo ờdă lòt rê tàm gơl gùng rơndeh dờng 27.

Gùng rơndeh dờng 27, gơl lòt gan kơnhoàl Đơn Dương pah ngai geh rơndeh rơndồ lòt rê uă ngan, mơya gơl gùng gam roh bơta ờdo ờdă lòt rê tàm gùng tài bơh măt gùng sùm gơtìp ờ niam te\. Làng bol tàm do đơs ngan, Tây Nguyên pah tu\ tus kàl mìu den là geh mìu sùm, lơh niam wơl ală gùng lòt den pal kơlôi tus bơta do. Broă ai bơta hơ\ nàng đơs là jơnau bơh tài lơh gùng mhar ờ niam là ờ gơtùi ngan.

Cau mblàng Lơ Mu K’Yến