VOV4.K’ho- Ală nam do, Đảng ủy xã Krông Na, kơnhoàl Buôn Đôn, càr Dăk Lăk sền dờng màng bơtàu tơnguh Đảng tàm tiah kòn cau, tơnguh uă cồng nha pơrjum. Bơh lơh broă ngan ngồn, tàm do neh geh uă cau đảng viên sơnam gam kơnòm, tơryăng tơryồng jơh nùs jơh tồr ngan mờ broă lơh. Tàm hơ\ geh ùr Bí thư Chi bộ H’Đa Nê Byă, cau M’Nông là dùl nă cau ai lơh pơnyơu pơnrơ.

Deh mờ dờng kềng gah dà dờng Srepok ndu gơnrơh geh uă bơta yal yau gơ lòt jăt bal, ùr ơruh kòn cau M’Nông sơnđăn măt là H’Đa Nê Byă ơm tàm xã Krông Na, kơnhoàl Buôn Đôn, càr Dăk Lăk dê gơ gơs là dùl nă cau bơsram dờng bơsram gah lơh pơgru Hìu bơsram Đại học Tây Nguyên. Nam 2012, tơnơ\ mờ tu\ lik klờng, dờp sră cơng tàng jơh bơsram đại học cử nhân, ùr ơruh H’Đa Nê Byă rê wơl hờ [òn lơgar tờm tus bal lơh ală broă lơh, ală srơh, lơh broă Đoàn ơruh pơnu. Geh bơta gi\t wa\, neh geh bơsram bơta chài lơh broă, H’Đa Nê Byă neh sơrbac mhar ngan bơtòm tơrgùm ơruh pơnu tàm [òn lơgar jơh nùs tus bal lơh ală srơh, ală broă lơh geh kuơ ngan bè sền gàr tiah ơm kis, crơng gơs mpồl đơs crih tam ya, bơyai lơh dròng cing mồng, sền gàr bơhiàn niam chài ală jơi bơtiàn dê.

  Là cau tàm [òn lơgar, rê wơl hờ [òn lơgar tờm lơh broă, ngui niam bơta pràn jak mờ bơta kơ\p kờ` sùm bơh he dê, H’Đa Nê Byă sơrbac mhar ngan geh sền swì, tơmu\t tàm mpồl Đảng. Mờ tơnơ\ 3 nam lơh broă, bơh bơngă pin dờn bơh he dê, bi geh Pơrjum dờng Chi bộ [òn Đôn pồ ăt gơnoar broă Bí thư. H’Đa Nê Byă yal bè nùs nhơm lơh broă geh kơnòl bơh he dê bè do: Mờ gơnoar broă là cau đảng viên sơnam gam kơnòm, Bí thư Chi bộ den lài ngan là a` pal lơh krơh, lam lài, kơlôi rcăng mblàng yal ai ơruh pơnu in, lơh geh srơh tơngume jăt nhai, pơnyơu bè nhai do den chi bộ geh kơrnoăt lơi den a` jàu ơruh pơnu in rcăng bơyai lơh, bơtòm tơrgùm ơruh pơnu lơh sàng goh tiah ơm kis tàm [òn lơgar, tài bơh lơh sàng goh tiah ơm kis kung là tơngume bơ\t bơtàu [òn lơgar pa sơl, bơto bơtê nùs nhơm bồ tơngoh ơruh pơnu, bơyai lơh ală ngai lơh chờ, ngai sa tềp, ngai 1/6, sa tềp Trung thu ai ală oh dềt in, sền gàr niam hìu bơyai tơr`a [òn, bơh broă dềt rơhền hơ\ nàng tơnguh uă kơnòl bơh ơruh pơnu dê gơ wèt mờ [òn lơgar, tài bơh ơruh pơnu, đảng viên sơnam gam kơnòm den hơ\ sồng là mpồl cau tờm nàng bơtàu tơnguh lơh sa- mpồl bơtiàn [òn lơgar, bơtàu tơnguh rài kis hìu bơnhă, tài bơh ơruh pơnu gam tai là bơta pràn lơh broă gơ dê, pơgồp bal tàm ală dơ\ pơrjum chi bộ tu\ lơi kung geh broă bơto bơtê nùs nhơm bồ tơngoh ai ơruh pơnu in, a` pơlam Bí thư Chi đoàn in nàng rê bơto pơlam wơl ai đoàn ơruh pơnu in.

Ală ùr ơruh M’Nông tàm xã Krông Na, kơnhoàl Buôn Đôn hàng bơne\ ngan soh ồi àu kòn cau he dê

Chi bộ [òn Đôn, xã Krông Na, kơnhoàl Buôn Đôn tu\ do geh 19 nă đảng viên, uă ngan là cau M’Nông. Là Bí thư Chi bộ, H’Đa Nê Byă sùm tơngo\ nùs nhơm lơh krơh, lơh niam gơnoar broă đơng lam lơh jăt ală chỉ thị, kơrnoat bơh Chi bộ, bơh đảng ủy kấp hơđang dê. Bulah uă ngan đảng viên tàm chi bộ sơnam neh jơh dờng, mơya mờ bơta pràn jak, bơta ngac ngar, bơngă pin dờ` bơh he dê, ùr Bí thư Chi bộ [òn Đôn H’Đa Nê Byă dờp geh bơta dùl nùs bal mờ bơta ring bal uă ngan tàm broă đơng lam, ătbồ.

Bi Bun Huêng, cau M’Nông kung là dùl nă đảng viên sơnam gam kơnòm sơl, deh nam 1991, geh làng bol pin dờn pồ lơh Phó Kuang ătbồ [òn, pà gi\t: Bí thư H’Đa Nê Byă là dùl nă kuang bàng sơnam gam kơnòm den tàng gi\t wa\ ngan mờ đơng lam broă bơh [òn dê ngac ngar ngan, oh mi tơryăng tơryồng jơh nùs jơh tồr, dùl nùs bal. Bi Bun Huêng đơs bè do: Mpồl ătbồ sền gàr thôn [òn bol a` mìng là oh mi gam kơnòm să lơm, jơh nùs jơh tồr, tơryăng tơryồng ngan mờ broă lơh. Geh làng bol pin dờn, pơndờm pơnđiang bè nùs nhơm, làng bol kờ` là bol a` geh mat tơn. Mờ bơta pràn kơnòm să mờ bơta gi\t wa\, bồ tơngoh jak…den tàng jơh ală broă kung sơrbac mhar, broă pơgồp bal mhar ngan. Bal mờ hơ\ kung geh sơl ală bơta kal ke bè là bol a` gam kơnòm den tàng ờ hềt geh uă bơta mờng chài, kal ke hòi jà, mơya hơ\ rơ\p mìng là dùl bơnah dềt gời lơm. Bol a` kung gam geh lơh ngan hòi jà làng bol gi\t hơ\ là broă bal [òn dê, nàng [òn bơtàu tơnguh, rài kis tơl ngui tơl sa kơ\ kơl jăp rlau.

Broă đơng lam, ătbồ bơh ùr Bí thư Chi bộ [òn Đôn H’Đa Nê Byă dê ờ mìng là kuang bàng, đảng viên lơm sền go\ mờ làng bol tàm [òn lơgar kung ndrờm sền go\ sơl. Ồng Ma Ghi, kra [òn [òn Đôn pà gi\t, rài kis làng bol dê tàm ală nam rềp ndo geh uă bơta gơ tam gơl niam ngan, ală broă lơh mpồl cau tàm tiah do geh bơyai lơh duh hồl ngan, lơh geh nùs nhơm chờ hờp ngan. Bơta hơ\, tơngo\ loh gơnoar broă đơng lam bơh Bí thư dê mờ bơh jơh tơl nă đảng viên tàm Chi bộ [òn Đôn dê.

Ồng Ma Ghi, đơs bè do: Bí thư Chi bộ sơnam gam kơnòm jơh nùs jơh tồr ngan, lam lài, lơh krơh niam, geh bồ tơngoh jak, mblàng yal ală gùng dà, broă lơh bơh Đảng mờ kơrnoat boh lam dà lơgar dê làng bol in di tu\ in; mờ gi\t wa\ tai uă dà đơs den tàng làng bol gơlơh sền go\ rềp mềl mờ [ươn ngan wa\ tai. Đảng viên cau M’Nông geh gơnoar broă kuơmàng ngan tàm broă mblàng yal broă Đảng, broă dà lơgar, kuơmàng là [òn Đôn uă ngan là cau M’Nông. Kung kơnờm bơh geh bơta đơng lam bơh Chi bộ dê mờ [òn tu\ do kung tam gơl uă ngan, uă gùng dà broă lơh dong kờl, gùng dà geh lơh pa mờ lơh ơnàng, geh dà sàng kloh, geh hìu bơsram, hìu sơnơm. Làng bol gi\t đòm jăt bơta jak chài măy mok tàm broă lơh sa nàng tơnguh uă cồng nha, oh kòn geh lòt bơsram niam, làng bol tam klac bal.

Mpồl ling sền gàr tiah nhàr lơgar mờ Đoàn ơruh pơnu xã Krông Na pơs wàs lơh sàng goh tiah ơm kis

Là cau ătbồ ơruh pơnu tơryăng tơryồng, jơh nùs jơh tồr ngan mờ broă lơh, là ùr Bí thư Chi bộ geh bồ tơngoh jak, ngac ngar tàm broă lơh, geh bơto pơlam bơta chài ătbồ, H’Đa Nê Byă gơ gơs là cau pơnrơ bè kuang bàng đảng viên cau kòn cau tàm tiah nhàr lơgar Krông Na, kơnhoàl Buôn Đôn, càr Dăk Lăk. Bơh dùl nă kuang bàng Đoàn jak kấp kơnhoàl, tu\ geh pin dờn pồ lơh Bí thư Chi bộ, bi neh tă pơgồp uă ngan, gàr kơ\ sră jờng rơ Chi bộ sàng goh, kơ\ kơl jăp pràn kơldang 5 nam sùm.

Cau mblàng Lơ Mu K’Yến