VOV4.K’ho- Drim ngai 4/12, Hội đồng Nhân dân càr Kon Tum khoá 11 neh sơnđờm mu\t pơrjum dơ\ 9 nàng kờ` sền wơl broă bơtàu tơnguh lơh sa- mpồl bơtiàn, sền gàr dà lơgar- lơngăp lơngai mờ gùng dà bơtàu tơnguh lơh sa- mpồl bơtiàn bơh càr dê tàm nam 2020. Nam 2019, broă lơh sa- mpồl bơtiàn tàm ù tiah càr pơn jăt tai kơ\ kơl jăp, bơtàu tơnguh mờ lơh geh cồng nha niam ngan.

Broă lam lơh jăt pe gah broă tam gơl mhar jăt Jơnau sồr bơh Mpồl duh broă sùm Tỉnh ủy Kon Tum dê bơh sơnrờp lơh geh cồng nha ngan ngồn, là dùl tàm ală “pràn gơchồl” kuơmàng pơgồp bơnah lơh gơlik ală cồng nha niam ngan tàm bơtàu tơnguh lơh sa- mpồl bơtiàn bơh càr dê; ală phan bơna tờm, chi lơh sơnơm, lơh broă sa sươn sre công nghệ cao pơn jăt tai geh bơta bơtàu tơnguh; tiah bơcri priă geh lơh niam wơl, neh geh bàr pe nă cau bơcri priă, tập đoàn lơh sa dờng tus bơcri priă tàm càr.

Đơs tàm dơ\ pơrjum, Chủ tịch HĐND càr Kon Tum sồr ală kuang bàng HĐND càr pal tơnguh uă nùs nhơm lơh broă geh kơnòl, tơrgùm cribơyai, mblàng sền, sền swì nền ală bơta niam, ală bơta gam gơkòl, ờ pràn jak tàm broă ătbồ, đơng lam lơh sa- mpồl bơtiàn nam 2019; dan geh ală gùng dà broă lơh nàng kờ` lơh jăt geh cồng nha jơnau kờ`, kơnòl broă bơtàu tơnguh lơh sa- mpồl bơtiàn nam 2020.

Cau mblàng Lơ Mu K’Yến