VOV4.K’ho- Bal mờ broă lơh “Yờ cơnđoà jơng oh lòt bơsram”, broă lơh “Kòn ròng pôs đồng ling sền gàr tiah nhàr lơgar dê” gam geh Gah đơng lam Mpồl ling sền gàr tiah nhàr lơgar dà lơgar dê lam lơh tàm jơh gùt ù tiah nhàr lơgar. Do là broă lơh geh kuơ ngan, gơcèng bơto tơngkah kòn bơnus uă ngan, pơgồp bơnah tơnguh uă bồ tơngoh gi\t wa\ làng bol dê, tơnguh tai bơta tam klac bal đah kuang bàng, cau ling sền gàr tiah nhàr lơgar bal mờ làng bol ală kòn cau.

Tu\ do, gam geh gi\t nđờ rhiang nă kơnòm bơsram tàm tiah nhàr lơgar bơh 6 tus 15 sơnam geh ală pôs đồng ling sền gàr tiah nhàr lơgar dê wa\ rò rê dờp ròng siam, sền gàr mờ bơto bơtê. Broă lơh geh kuơ do neh dong kơnòm dềt kòn cau geh dùl hìu bơnhă lơngăp lơngai chờ hờp, bơh hơ\ dong ai ală jơnau kơ\p kờ` bơh ală oh dê tàm gùng lòt bơsram.

Mờr 3 nhai do, Pôs đồng ling sền gàr tiah nhàr lơgar Mpồng nhàr lơgar Trà Lĩnh neh gơ gơs là hìu ơm dơ\ 2 bơh oh mờ mi ùr kơnòm bơsram Lục Thị Khánh Huyền dê. Là 2 nă oh dềt geh rài kis kal ke ngan tàm xã Hùng Quốc, oh mờ mi Huyền neh geh kuang bàng, cau ling sền gàr tiah nhàr dờp rê ròng siam sền gàr. Geh ală wa cau ling sền gròi, dong kờl, bơto sồr, rài kis bơh bàr nă oh mờ mì Huyền dê gam tam gơl pah ngai. Oh Lục Thị Khánh Huyền, đơs: Sau geh mu\t tàm do sau chờ hờp ngan, sau geh bơto pơlam tàm broă bơsram sră, sau gơlơh sền go\ ală wa cau ling rềp mềl ngan…

Bàr nă oh klau kơnòm bơsram tàm Pôs đồng ling sền gàr tiah nhàr lơgar Đàm Thủy kung geh rài kis kal ke ngan sơl. Oh klau kơnòm bơsram Nông Văn Huynh, ơm tàm xã Chí Viễn, bèp chơ\t bơh tu\ oh gam dềt ngan, ai oh klau kơnòm bơsram sơnđan măt Hoàng Doàn Tuyên den mè bèp sơrbì oh dô lòt tiah ndai tu\ oh pa deh. Gi\t wa\ jơh bơta kal ke, siău siar bơh 2 oh klau kơnòm bơsram r[ah do, den tàng tàm pôs đồng ling, ală oh geh ròng siam, sền gàr, bơto sồr bè ală kòn tàm hìu bơnhă sơl.

Tus tơngai do, geh rlau 30 nă oh dềt r[ah tàm tiah nhàr lơgar càr Cao Bằng gam geh Mpồl ling sền gàr tiah nhàr lơgar càr do dong kờl tàm gùng lòt bơsram. Pah tu\ bơsram bơh ală oh dê tu\ do ờ gam tai geh sùm jơnau kơlôi rcăng piang sàu, ào soh mờ ala tàm hơ\ là bơta pin dờn tềng đăp cau pơgru, gơ\p bơyô.

Ùr pơgru Thẩm Thị Xuân bơto tàm Hìu bơsram Trung học Biên phòng Bằng Ca, kơnhoàl Hạ Lang, đơs bè do: Bơh tu\ geh pôs đồng ling sền gàr tiah nhàr lơgar dong kờl, den ală sau geh bơta jak chài mờ pôs đồng ling là anih kơldìng ai ală sau in nàng ală sau iang nùs bơsram sră niam rlau tai, mơkung bè là cau pơgru ătbồ ơdu\ bơsram bal mờ hìu bơnhă gơlơh iang nùs ngan tu\ geh ală wa cau ling dong kờl tàm pôs đồng ling sền gàr tiah nhàr lơgar.

Nùs nhơm kờ` gơboh, jơm glòm bal bơh ală cau ling grăt tơlir dê neh dong uă oh dềt iang nùs bơsram sră. Tu\ do, pôs đồng ling sền gàr tiah nhàr lơgar neh gơ gơs là hìu ơm ròng siam sền gàr, dong kờl ai bơta kơ\p kờ` lòt bơsram bơh ală ùr kơnòm bơsram, klau kơnòm bơsram r[ah, cau kòn cau tàm tiah nhàr lơgar.

Lơh jăt Broă lơh nùs nhơm niam dong kờl is tài mpồl bơtiàn mờ lơh jăt jơnau sồr bơh Kuang ătbồ Gah đơng lam mpồl ling sền gàr tiah nhàr lơgar dà lơgar dê, gùl nam 2019, Cục Chính trị Mpồl ling sền gàr tiah nhàr lơgar neh geh bơta bơto pơlam lơh jăt Broă lơh “Kòn ròng pôs đồng ling sền gàr tiah nhàr lơgar dê”. Do là dùl broă lơh geh kuơ ngan mờ gơcèng bơta bơto tơngkah kòn bơnus uă ngan, pơgồp bơnah tơnguh uă bồ tơnguh gi\t wa\ bơh làng bol dê, tơnguh tai bơta tam klac bal đềt mềr đah kuang bàng, cau ling mpồl ling sền gàr tiah nhàr lơgar mờ làng bol ală kòn cau tàm tiah nhàr lơgar, bơ\t bơtàu rài sền gàr tiah nhàr lơgar tàm jơh gùt làng bol kơ\ kơl jăp.

Jăt mờ hơ\, ală pôs đồng ling geh dờp ròng siam ală sau dềt sơnam bơh 6 tus 15 sơnam là cau kòn cau geh rài kis kal ke ngan, tàm hơ\ ai lài oh kòn làng bol kòn cau ờ huan gal kòn bơnus, bè: Chứt, Rục, Đan Lai, La Hủ; ală sau kòn đời jơh bal mè mờ bèp ờ geh anih kơldìng halà kòn đời mè halà kòn đời bèp tu\ do gam ơm kis tàm tiah nhàr lơgar gơ wèt ù tiah Pôs đồng ling sền gàr tiah nhàr lơgar dê ătbồ; ală sau là kòn cau ling sồt să, cau ling chơ\t màng, hìu bơnhă geh màng mờ kăc mạng geh rài kis kal ke ngan. Anih dờp ròng siam sền gàr tàm ală pôs đồng ling sền gàr tiah nhàr lơgar halà ală mpồl lơh broă Mpồl ling sền gàr tiah nhàr lơgar rềp ală anih hìu bơsram.

Bè khà, lơh ngan, tơl pôs đồng ling sền gàr tiah nhàr lơgar tàm tiah nhàr lơgar hờ ù gờl dờp ròng siam bơh 1 tus 2 nă sau. Ală pôs đồng ling sền gàr tiah nhàr lơgar tàm dà lềng, bồt bơlào den gơ jăt tàm bơta geh ngan tàm tiah hơ\ nàng geh broă lơh dờp ròng siam sền gàr. Tơngai dờp ròng siam sơnđờm bơh nhai 9 nam 2019 tus dì tu\ ală sau bơsram jơh ơdu\ 9. Tơnơ\ hơ\ den lơh jăt broă lơh “Yờ cơnđoà jơng oh lòt bơsram”. Priă tă lơh là bơh ală mpồl ling dê tàm pơnring is, priă tă bơh kuang bàng, cau ling tàm mpồl ling tă pơgồp is mờ priă bơh ală anih lơh broă, mpồl cau, mpồl lơh sa kă bro bal mờ ală cau geh nùs nhơm niam dê.

Thiếu tướng Phùng Quốc Tuấn Phó Chính ủy Mpồl ling sền gàr tiah nhàr lơgar dà lơgar dê pà gi\t: Broă lơh ờ bơyai lơh dờp ròng siam jăt sră nggal kơrnoat boh lam halà adat bơhiàn bơh tiah hơ\ dê mờ do là dùl broă lơh gơcèng bơta bơto tơngkah kòn bơnus, tơngo\ bơta kah rơngal bơh mpồl ling sền gàr tiah nhàr lơgar dê gơ wèt mờ làng bol ală jơi bơtiàn kòn cau tàm ù tiah nhàr lơgar; pơgồp bơnah sơlơ lơh kơ\ kơl jăp mpồl tam klac dờng jơh gùt làng bol, sền gàr kơ\ kơl jăp gơnoar tờm ù tiah lơngăp lơngai tiah nhàr lơgar dà lơgar dê.

Lơh jăt broă lơh “Yờ cơnđoà jơng oh lòt bơsram” tàm mpồl ling sền gàr tiah nhàr lơgar, tus tu\ do ală mpồl ling sền gàr tiah nhàr lơgar neh mờ gam dờp ròng siam sền gàr mờr 3 rbô nă sau là kơnòm bơsram r[ah tàm tiah nhàr lơgar geh rài kis kal ke, ờ geh anih kơldìng, kòn đời mè bèp, oh kòn ală hìu bơnhă chính sách; ală sau là cau kòn cau; tàm hơ\ geh bal ală sau là làng bol lơgar gơ\p bơyô Lào mờ Campuchia tàm ù tiah rềp nhàr lơgar bal mờ Việt Nam.

Thượng tá Phùng Văn Ninh, Chính trị viên Pôs đồng ling sền gàr tiah nhàr lơgar Vàm Trảng Trâu, càr Tây Ninh, yal: Bơdìh mờ 2 nă oh là kơnòm bơsram tàm dà lưgar mờ mpồl ling sùm dong kờl, den pôs đồng ling gam bơyai mờ Gah đơng lam dan dong kờl tai 1 nă oh ơm đah ne tiah nhàr lơgar, pah nhai pôs đồng ling kung neh ai kuang bàng tus tơn tàm hìu bơnhă ală oh tàm lơgar mờ oh tàm tiah đah ne dà lơgar he dê nàng jàu priă dong kờl bơsram.

Tàm tiah nhàr lơgar, tiah mờ ală cau ling sền gàr tiah nhàr lơgar hòi là [òn lơgar tờm, tu\ do geh tai hìu ơm. Hìu ơm hơ\ geh bơ\t bơtàu gơs bơh ală plai nùs lơbơn niam, bơh bơta kờ` gơboh, gi\t dong kờl wa\ wờng bal bơh ală cau ling sền gàr tiah nhàr lơgar dê. Ờ go\ di mìng là anih kơldìng kơ\ kơl jăp ai ală cơnđòa jơng lòt guh bơh ală oh dềt là kơnòm bơsram kòn đời, kơnòm bơsram là cau kòn cau kal ke ngan dê, broă lơh gam pơgồp bơnah sih tam gar sơntìl mpồl cau lơh broă geh bồ tơngoh jak tiah nhàr lơgar ngài ngan bơh Dà lơgar dê in tai.

Cau mblàng Lơ Mu K’Yến