VOV4.K’ho- Bal mờ kơnòl broă kham kòp, dờp ròng, dong kờl sơm kòp kơn jơ\ ai kuang bàng, cau ling in, mờr 8 nam do Hìu sơnơm gơ wèt Phòng Hậu cần, Gah đơng lam mpồl ling càr Kon Tum gam tus bal kham, sơm kòp mờ sră bảo hiểm y tế ai làng bol tàm do in. Mờ jơnau đơs “Pơnrơ bè nùs nhơm cau lơh sơnơm, jak tàm broă lơh sơnơm, jak bè bơta gi\t wa\ gah lơh sơnơm”, Hìu sơnơm neh kham, sơm kòp, bơto pơlam sền gàr pràn kơldang să jan ai gi\t nđờ jơ\t rbô nă làng bol in, gơ gơs là anih pin dờn bơh cau kòp dê.

Ală nam rềp ndo, khà làng bol tus hờ Hìu sơnơm gơ wèt Phòng Hậu cần, Gah đơng lam mpồl ling càr Kon Tum, geh anih lơh broă tàm tổ dân phố 3, sơnah [òn Trần Hưng Đạo, [òn dờng Kon Tum kham, sơm kòp ngai sơlơ gal. Tơrgùm kờp bơh Hìu sơnơm dê pà go\, nam 2016 geh pơgăp 6 rbô nă cau kòp, nam 2017 rlau 11 rbô 700 nă mờ nam 2018 neh gơguh tus rlau 12.700 nă. Thượng tá Huỳnh Văn Cao, Kuang atbồ Hìu sơnơm pà gi\t, lồi nam 2012, tơngai hìu sơnơm sơnđờm tus bal lơh broă lơh kham sơm kòp mờ sră bảo hiểm y tế ai làng bol in tìp uă ngan kal ke mờ pa ngan ờ chài ngan tàm broă lơh. Mơya, bal mờ nùs nhơm geh kơnòl bơh cau ling dê mờ gi\t wa\ loh làng rlau tai broă kham, sơm kòp ai làng bol in kung là broă lơh lam sồr làng bol sơl, mpồl cau ling lơh sơnơm tàm hìu sơnơm neh sùm lơh ngan pơđơl pràn sơrlèt gan.

Thượng tá Huỳnh Văn Cao, đơs: Bơh sơnrờp bol a` sồr lơh jat jơnau đơs: Pơnrơ bè nùs nhơm niam cau lơh sơnơm, jrô bè jơnau gi\t wa\ gah lơh sơnơm, jak bè broă lơh sơnơm. Kờ` lơh bơta lơi den sơnrờp ngan là nùs nhơm cau ling lơh sơnơm soh àu mpha kò dê là lài ngan khà dùl. Dơ\ 2 là nàng kham sơm kòp den cau kòp pal bời kòp. Kờ` lơh geh broă hơ\ den bol a` pal gi\t jrô bè bơta kòp hơ\ là bơta kòp lơi. Mờ tàm tu\ tàp lơh den bol a` pal jak. Cồng nha lồi du\t là cau kòp pal bời kòp den cau hơ\ sồng lòt jòi bol a`.

Nàng dờp rò wil tơl, kham sơm kòp geh cồng nha ai rlau 1 rbô nă cau kòp in pah nhai, Hìu sơnơm gơ wèt Gah đơng lam mpồl ling càr Kon Tum sền broă lơh bơh cau lơh sơnơm dê là gai was bơh sơnrờp nàng cau kòp in geh bơta pin dờn. Den tàng bè hơ\, hìu sơnơm sùm bơto tơngkah sùm nùs nhơm lơh broă, ơm kis boh bơr soh phan. Tu\ kham sơm kòp pal crăp sră cih mat lơh broă, soh àu blu jăt jơnau sồr. Geh bơta gi\t gơ\p dipal mờ cau kòp jơh bal tàm jơnau tơm bơr mờ broă lơh. Sùm rềp mềl, wil tơl, jơh nùs jơh tồr, git wa\ mờ wa\ wờng bal mờ cau kòp, sền bơta jê sồt bơh cau kòp dê kung bè bơta jê sồt să tờm he dê sơl. Ờ geh bơta tơngo\ ờ niam mờ cau kòp, dipal mờ jơnau bơto sồr bơh Bác Hồ dê “Nùs nhơm cau lơh sơnơm lơbơn niam bè cau mè”.

Ồng Nguyễn Phúc Thanh nam do 66 sơnam, sồ hìu 386, gùng Phạm Văn Đồng, [òn dờng Kon Tum sùm lòt kham sơm kòp tàm Hìu sơnơm bơh Gah đơng lam mpồl ling càr Kon Tum dê đơs bè do: Anih kham sơm kòp tàm do den làng bol mu\t den geh wa\ rò niam ngan. Anih nggui ơm kơ\p cau kung rơndăp tăp sèng niam ngan sơl. Geh anih boh bơr ơm rlô ai ală cau ơm kơ\p kham kòp in. Mờ ală cau geh sơm kòp tàm do kung geh sơl anih nhơl `o\ lơh rài bồ tơngoh, chi che den gơlơh mrềt niam rlau tàm ală anih, sàng goh rlau. Bè nùs nhơm den loh làng là cau ling cau geh bơsram sùm rlau den tàng kơnòl gơ jăt mờ broă lơh. Ală dơ\, ală tu\ lơh broă geh lơh niam ngan.

Lơh jăt jơnau đơs “Pơnrơ bè nùs nhơm niam lơh sơnơm, gi\t wa\ jrô bè gah lơh sơnơm, jak bè broă lơh sơnơm”, kuang bàng cau ling Hìu sơnơm Gah đơng lam ling klàng càr Kon Tum sùm bơsram tàp nùs nhơm bồ tơngoh să tờm mờ tơnguh jơnhoa bồ tơngoh jak chài tàm broă lơh. Hìu sơnơm sùm rcăng lài, jơh nùs jơh tồr ngac ngar tàm tu\ bơsram jơnau gi\t wa\ gah lơh sơnơm bơh broă lơh bơsram is, sền is, kơlôi sơnơng is; pơyua kấp hơđang bơto tơrgùm bal; bơyai lơh mblàng yal jơnau gi\t wa\ pa. Bal mờ hơ\, rơndăp tăp sèng tiah sơm kòp dipal bal mờ wil tơl ală cơldu\ lơh broă geh gơrềng bal. Hìu sơnơm neh dờp, mờ lam lơh geh cồng nha ală phan ngui măy mok jak chài pa rài do dê drơng broă lơh kham sơm kòp, bè: măy siêu âm, măy điện tim 3 kờ`, măy xét nghiệm sinh hoá mhàm lơh is dùl bơnah…

Ală jơnauyal bè bác sĩ cau ling lơh sơnơm tàm Hìu sơnơm Gah đơng lam mpồl ling càr Kon Tum dong cau kòp pleh klàs bơh chơ\t sùm geh làng bol tàm do tàm yal wơl mờ gơ\p in. Bè jơnau bi A Ric dê ơm tàm xã Hoà Bình là dùl nă cau geh ai lơh pơnyơu. Ờ bơtuah gơtìp òng sồc, bi geh cau tàm hìu jun tus hìu sơnơm do nàng sơm kòp tàm bơta să jan bồ, muh măt, tê, jơng as gơ prồ jù jơh, să jan glar ngan, gùng mhàm gơ lòt mhar mờ dềt, gùng mhàm gơmù. Sền go\ do là cau gơtìp òng sồc ngòt rơngơ\t tài bơh uă ir phan khih bơh òng dê, bác sĩ Hìu sơnơm do neh dong kờl sơrbac mhar ngan ai tă nhơm mờ oxi, tơmu\t dà sơrồm, ngui sơnơm jat bơta bơto pơlam. Kơnờm geh ală bác sĩ cau ling lơh sơnơm dong kờl sơrbac mhar di tu\ den tàng bi A Ric klàs chơ\t tàm dùl mbrơs mat.

Đại úy Lê Anh Tuấn, bác sĩ lơh broă tàm Hìu sơnơm do pà gi\t, broă hìu sơnơm tus bal kham sơm kòp ai làng bol tàm do in neh dong ală cau lơh sơnơm tàm do gi\t wa\ rlau bè bơta kòp, bơh hơ\ geh tai bơta mờng chài mờ tơnguh bơta jak chài tàm broă lơh ờs mờng. Bác sĩ đơs bè do: Ngai sơlơ gal cau kòp tus kham sơm kòp tàm hìu sơnơm. Cau kòp gal bè hơ\ den tàng ală bơta kòp kung rơ\ ru sơl, bơta kòp kơn jơ\ kal ke sơm bời. Bơh do den kuang bàng, cau lơh sơnơm tàm hìu sơnơm geh kham sơm kòp ai ală cau kòp hơ\ in den tàng tàm ală tu\ kham sơm kòp den kung tơnguh geh jơnau gi\t wa\ tàm broă lơh ờs mờng, nùs nhơm lơh broă đơs bal là uă ngan bơta.

Tơnơ\ mờr 8 nam tus bal kham sơm kòp mờ sră bảo hiểm y tế ai làng bol tàm do in, Hìu sơnơm gơ wèt Phòng Hậu cần, Gah đơng lam mpồl ling càr Kon Tum neh pơgồp bơnah bal mờ gah lơh sơnơm càr Kon Tum lơh niam broă lơh sền gàr pràn kơldang să jan ai làng bol in. Hìu sơnơm tu\ do kung neh rcăng is priă jền nàng blơi phan bơna măy mok lơh sơnơm mờ rcăng rài kis ai kuang bàng, cau lơh broă in. Là dùl tàm ală hìu sơnơm lam bồ lam tàm srơh tàm pơrlong lơh ngan tus jai pha mờ srơh tàm pơrlòng “Gah dong broă phan bơna ling klàng lơh jăt jơnau Bác Hồ bơto sồr”, tàm Pơrjum dờng tàm pơrlòng lơh ngan tus jai pha mpồl ling klàng phàu crong càr Kon Tum dơ\ 8 tơngai lơh broă bơh nam 2013- 2018, Hìu sơnơm geh UBND càr Kon Tum jờng rơ mờ pà phan jờng.

Cau mblàng Lơ Mu K’Yến