VOV4.K’ho- Geh bơta dong kờl bơh Pôs đồng ling sền gàr tiah nhàr lơgar Dăk Dang, gơ wèt Gah đơng lam Mpồl ling sền gàr tiah nhàr lơgar càr Dăk Nông dê, rlau 15 nam do, broă lơh niam wơl [làng sre Dăk Huýt, xã Quảng Trực, kơnhoàl Tuy Đức neh ròng kis rlau 200 hìu bơnhă làng bol kòn cau tàm tiah do.

Bơh dì rài kis gam uă ngan kal ke, mìng kơ\p kơnờm lơm tàm ală gar kòi mìr, tu\ do, làng bol neh gi\t broă lơh kòi sre nàng tam gơl rài kis. Ală [làng sre kòi tơlir niam ngan tàm tiah nhàr lơgar bơh Dà lơgar dê neh pà go\ nùs nhơm ling klàng mờ làng bol tam klăc bal đềt mềr bè pròc mhàm tờm tàm bă ù tiah nhàr lơgar dê.

Ală ngai do, làng bol [òn Bu Prâng, xã Quảng Trực, kơnhoàl Tuy Đức gam tơrgùm sih tam kòi kàl mrềt prang. Rau 15 nam do, geh bơta dong kờl jơh nùs ngan bơh Pôs đồng ling sền gàr tiah nhàr lơgar Dăk Dang dê lơh pôs đồng tàm tiah do bal mờ gơnoar ătbồ xã dê, làng bol neh gi\t ngan ală bơta chài lơh kòi sre.

Ồng Điểu Toi, ơm tàm [òn Bu Prâng pà gi\t, dùl nam geh 2 kàl lơh kòi tờm, kung là 2 dơ\ cau ling sền gàr tiah nhàr lơgar tus dong làng bol lơ òr sơkam sre sih tam kòi. Hơ\ sồng tàm tu\ sơngka sền gàr, ơn phơng, rcăng sơndră tu sa aniai…sùm geh cau ling dong kờl jơh nùs lơm. Kơnờm [làng sre Dăk Huýt mờ làng bol tàm tiah nhàr lơgar ngài ngan rlau jơh bơh càr Dăk Nông dê tu\ do ờ gam tai rài kis tu\ jơgloh tu\ hờm.

Ồng Điểu Toi, đơs bè do: {òn a` dê tu\ do là tam 35 lồ kòi, lài mờ nam 2010 bol a` ờ hềt gi\t lơh kòi sre den tàng mìng lơh mìr lơm. Mìng is hìu bơnhă a` là lơh kòi den tơl sa ai gùt nam in. Oh mi tàm pôs đồng ling sền gàr tiah nhàr lơgar Dăk Dang sùm dong kờl hìu bơnhă kal ke, bơto pơlam bơta chài sih tam kòi, toès kòi, jơh nùs jơh tồr ngan, ơm bal sa bal mờ làng bol, bơto pơlam bơta chài. Uă nam do bloh den tàng sre tu\ do uă ngan dà mbring, oh mi kung bơto pơlam làng bol blơi vôi, ngui phơng vi sinh gơ in dipal nàng làng bol in pơn jăt tai lơh.

Kuang bàng cau ling pôs đồng ling sền gàr tiah nhàr lơgar Dăk Dang dong làng bol tam kòi 

Thiếu tá Phạm Minh Tuấn, Kuang jăt jơng ătbồ Mpồl lam sồr làng bol gơ wèt Pôs đồng ling sền gàr tiah nhàr lơgar Dăk Dang pà gi\t, cau M’nông ơm tàm tiah nhàr lơgar Tuy Đức lài do mìng mờng quèng mờ broă lơh mìr lơm. Dong làng bol lơh kòi sre, ală kuang bàng cau ling pal ơm bal, sa bal, lơh bal, bơsram dà kòn cau mờ kơ\ dơn nùs nhơm bơto pơlam bơh jơh tơl broă dềt rơhền ai làng bol in.

Thiếu tá Phạm Minh Tuấn yal, tơnơ\ uă nam lơh, kàl mìu pa do, cồng nha lơh geh kòi gơmù uă ngan pơndrờm mờ lài. Sền go\ lo\ sre geh uă dà mbring, mpồl ling sền gàr tiah nhàr lơgar bal mờ làng bol jun dà bơh dà croh rê tus mờ ngui vôi nàng bơcroh gơ dô jơh dà mbring sràt, rcang ai kàl lơh kòi kàl mrềt prang in.

Thiếu tá Phạm Minh Tuấn đơs bè do: Lài do gam brê bơnơm lơm, bol a` să tờm tơn tus sih tam, ờng kòi, toès kòi nàng lơh kòi kloh ai làng bol in, rơhời den làng bol kung gi\t sơl broă lơh. Bơta geh ngan kung geh ală bơta jak chài mờ làng bol ờ hềt đòm jăt den oh mi bol a` kung bơsram bơh tàm sră báo ti vi rơdio sơl nàng dong làng bol. Pôs đồng kung ai kuang bàng hòi jà làng bol, đoàn viên ơruh pơnu mờ mpồl cau lam lài tus dong làng bol, să tờm tơn ìa tê sơ`io broă, lơh wơl rbòng dà nàng ràu gơ dô jơh dà mbring sràt nàng làng bol in rcăng ai kàl lơh kòi mờr tus in.

Ồng Đoàn Hồng Quân, Chủ tịch UBND xã Quảng Trực đơs: Broă lơh lam sồr làng bol bơh Pôs đồng ling sền gàr tiah nhàr lơgar Dăk Dang dê neh ngan ngồn cèng wơl cồng nha uă tàm ù tiah do. Dong làng bol tàm [òn lơgar, cau ling gam rềp mềl ngan bơto pơlam, mblàng yal bè ală gùng dà, broă lơh Đảng dê, mờ kơrnoat boh lam Dà lơgar dê, gàr kơ\ bơta lơngăp lơngai rơndăp tăp sèng ờdo ờdă tàm tiah nhàr lơgar. Tam gơl mpờl go\ loh làng ngan rlau jơh là dong làng bol tam gơl bồ tơngoh kơlôi sơnơng tàm broă lơh broă sa, rơhời bơtàu tơnguh uă rài kis tàm tiah nhàr lơgar bơh Dà lơgar dê.

Ồng Đoàn Hồng Quân, đơs bè do: Bal mờ kơnòl broă mblàng yal ai làng bol in lơh jăt di ală gùng dà broă lơh bơh Đảng dê, kơrnoat boh lam Dà lơgar dê den ală oh mi gam dong ai làng bol in bè broă bơtàu tơnguh lơh kòi sre. Tus kàl lơh kòi den ală oh mi bal mờ làng bol lơ òr sơkam sre, lòt ờng kòi, sih tam kòi mờ sền gàr, dong làng bol gi\t geh broă sơngka sền gàr mờ broă chài lơh kòi sre nàng lơh bè lơi kòi lơh geh cồng nha uă rlau…

Broă lơh niam wơl [làng sre Dăk Huýt neh dong làng bol klàs bơh jơgloh r[ah, uă nam sùm gơ gơs là rbàng tơrbo\ bơh ală cau ling sền gàr tiah nhàr lơgar mờ làng bol kòn cau [òn Bu Prâng. Cau ling sền gàr tiah nhàr lơgar Dăk Dang neh gơ gơs là cau hìu bơnhă tờm bơh làng bol tiah nhàr lơgar dê.

Cau cih Hoàng Qui- Cau mblàng Lơ Mu K’Yến