VOV4.K’ho - Kơnờm mờ broă pơgồp bal lơh sa, blơi jơh kơphe jăt broă lơh Hợp tác xã drơng broă lơh sa suơn sre, làng bol kòn cau Jarai kis tàm xã Ia Mơ Nông, kơnhoàl Cư\ Pah, càr Gia Lai neh geh rài kis broă lơh sa ring niam. Broă lơh do gam dong kờl làng bol tơmù ală broă gơrềng ờ niam tu\ khà priă phan geh lơh bơh broă lơh sa suơn sre gơmù ờ uă kung bè trồ tiah gơbàn ni sơna.

Wă rò nam pa 2020, kòn cau Jarai kis tàm [òn Ia Mơ Nông gam chờ hờp mu\t tàm kàl lơh sa pa, ai geh rài kis hờm ram rơlao.

                Kơnờm mờ broă pơgồp bal lơh sa, [òn lơgar pa tàm kòn Kép 1 ngai sơlơ niam

Tàm hìu geh lơh dờng niam, mờ tơl ală phan ngui tàm hìu, ồng Rơ Châm Punh, kis tàm [òn Kép 1, xã Ia Mơ Nông chờ hờp pà g^t: tàm ală nam pa do, broă lơh sa hìu nhă sùm ring niam, priă geh ờ gơmù jăt mờ khà priă geh bơh phan lơh sa suơn sre ha là trồ tiah gơbàn ni sơna.

Hơ\ là kơnờm mờ broă tam phan, ròng phan jăt khoa học kỹ thuật: 7 sào sre lơh kòi tơl sa gùt nam, 4 nơm kơnrồ me deh 2, 3 nơm kòn bal mờ phơng sền gàr suơn kơphe in, mờ tàm hơ\ uă ngan là broă lơh jăt broă tam kơphe kơl jăp tu\ tus bal Hợp tác xã lơh sa suơn sre Ia Mơ Nông. Ồng Rơ Châm Punh pà g^t:

-A` tus bal mờ Hợp tác xã geh cră ding dà tuh pa ngan, tuh mờ broă [ồm bè mìu tus tơl tòm kơphe. Phan do tềm pềr dà, tềm pềr ngai lơh broă, dong kờl hìu nhă mờ să tòm ru rơlao.

Broă tuh dà jăt phan do [uơn niam ngan, dùl dơ\ crăp tuh làm jơh 200 tòm kơphe, tàm 1000 tòm den mìng ntrờn crăp ding mơ. Jăt broă bơto sồr den dùl dơ\ crăp tuh tàm 7 jơ. Gam tơnhào kơphe den cèng tăc mờ hợp tác xã blơi tơn, làng bol ờ pal ngòt tàm broă tăc ha là jòi drà tăc tai.

Jăt ồng Rơ Châm Uenh, kuang atbồ [òn Kép 1 yal, tàm kàl prang do, geh uă bă suơn kơphe làng bol neh geh tuh mờ phan tềm pềr dà. Broă sền gàr kơphe kung geh jăt nền nòn jăt jơnau bơto sồr kờ` geh geh cồng nha uă, niam.

                                          Hìu hờ đang kòn cau Jarai tàm [òn Kép 1

Ồng Rơ Châm Uenh pà g^t, bơh tu\ lơh broă bal mờ Hợp tác xã lơh sa suơn sre, làng bol ờ gam pal rơcang phan lơh broă, phơng sih… tàm tơl kàl sền gàr, kung ờ ngòt gơtìp cau blơi rồn bơklơn khà priă tàm kàl tơnhào. Geh tu\, khà priă tăc kơphe làng bol dê sùm geh uă rơlao mờ khà tàm drà kă bro:

-Mìng is tàm [òn Kép 1 bol a`, tus bal mờ Hợp tác xã Ia Mơ Nông là 32 nă. Ală cau do geh crăp phan tuh dà kơphe is kờ` gàr niam broă tềm pềr dà mờ sơndră mờ tam gơl trồ tiah tu\ ờ tơl dà.

Bàr là phơng sih, ngui sơnơm sền gàr phan tam den geh bơto sồr tơn. Làng bol ờ tơl phơng den lòt càn lài phơng bơh Hợp tác xã tus kàl tơnhào kơphe den tơm wơl priă phơng, sơnơm sền gàr phan tam.

Broă pơgồp bal lơh sa, tăc phan kơphe bơh ală hìu làng bol mờ hợp tác xã Ia Mơ Nông geh lơh bơh nam 2017. Ồng Lê Văn Thanh, kuang atbồ Hợp tác xã lơh sa-kă bro-drơng ala-nhơl chờ-lơh sa suơn sre Ia Mơ Nông pà g^t, tơngu me broă pơgồp bal là ai geh bă tiah tam kơphe ring niam, geh anih lơh, bơh tu\ hơ\ tơnguh uă bơta kuơ bơh phan kơphe.

                                     Hìu rông [òn Kép 1 geh làng bol tă is priă lơh

Bơdìh mờ hơ\ tai, broă dong kờl priă bơcri blơi phơng sih, sơnơm sền gàr phan tam… ờ sa priă cồng, Hợp tác xã gam dong kờl măi lơh broă, phan lơh broă, bơyai lơh blơi phan geh lơh bơh broă lơh sa suơn sre làng bol in.

Broă lơh di pal mờ làng bol kòn cau, den tàng khà hìu dăn cih măt tus bal pơgồp bal lơh sa mờ hợp tác xã ngai sơlơ gơguh. Mìng rơ\ 2 nam, Hợp tác xã Ia Mơ Nông neh 4 dơ\ tam gơl ssră lơh broă, khà priă tă pơgồp lài ngan mìng geh 500 tơlăk, tu\ do neh tus 6 tơmàn priă.

Khà hìu tus bal pơgồp lơh kơphe neh rơlao 600 hìu, bơyai lơh gơs 6 mpồl lơh sa, ù tiah ơnàng bơh 4 xã bơh Ia Mơ Nông tus Ia Ka, Ia Nhin mờ thị trấn Ia Ly.

Ồng Lê Văn Thanh pà g^t, bal mờ broă ai geh kơphe kơl jăp, Hợp tác xã Ia Mơ Nông gam pờ gùng dà tơnguh bơtàu tus mờ ală bơta phan tam ndai, dong kờl làng bol tơnguh bơta kuơ bè ù tiah, geh tai priă tàm rài kis ndrờm bal tàm nam, ơla mờ broă mìng kơnờm tàm broă p^c plai kơphe.

                                                 Hìu lơh broă Hợp tác xã Ia Mơ Nông

Nam pa do, Hợp tác xã neh pơgồp bal mờ làng bo, tam bơrlu\ bal 5 rơbô tòm mãng cầu nsiăp gar, 50 lồ khoah phòng…, mờ broă ai geh sơntìl phan tam niam, pràn, bơto sồr broă lơh jăt khà VietGAP mờ hơ geh blơi phan geh lơh:

-Pal kơlôi sơnơng kờ` dong kờl làng bol geh priă mờ ală broă tam bơrlu\ bal phan tam, bu\ lah là ờ geh uă mơya pal geh priă sùm den làng bol hơ\ sồng ring niam tàm rài kis, di lah mìng kơnờm tàm suơn kơphe lơm den kung kal ke.

He gam lơh jăt gùng dà broă lơh hơ\, là bơcri priă ai ờ uă hìu in tam tòm chi sa plai, ai gùng dà tam phan mờ blơi phan geh lơh. Mờ tàm bă sre lơh kòi 1 kàl làng bol dê, tàm kàl do ndrờm sơbì gời ù, den he tam phan ờ jo\ tơngai, ală bơta phan kờ` ờ uă dà, kờ` tơnguh rài kis làng bol in.

                                  Làng bol cri bơyai bè broă rơwah sơnơm sền gàr phan tam

Kơnờm mờ broă bơyai lơh di pal mờ tiah làng bol kòn cau, Hợp tác xã Ia Mơ Nông neh jòi geh broă dong kờl bơh ală rơndăp broă lơh bơh dà lơgar. Tu\ do, rơndăp broă tam gơl broă lơh sa suơn sre kơl jăp tàm lơgar Việt Nam (geh ngân hàng dunia dong kờl) gam dong kờl hợp tác xã bơcri priă blơi phan tuh dà tềm pềr, [ồm bè mìu tềng tòm ai rơlao 300 lồ kơphe làng bol in.

UBND kơnhoàl Cư\ Pah pa do kung neh lơh rơndăp broă tơnguh bơtàu lơh sa pơgồp bal jăt khà geh kuơ mờ broă blơi phan geh lơh bơh kơphe tàm broă lơh jăt khà dà lơgar dê bè bơ\t bơtàu [òn lơgar pa, ai Hợp tác xã Ia Mơ Nông in lơh, kờ` mùl màl là anih lam lài tàm broă dong kờl làng bol tơnguh uă cồng nha broă lơh sa.

Nam pa do, mờ broă dong kờl bơh dà lơgar mờ cồng nha bơh broă lơh do neh geh niam bơh broă pơgồp bal, lơh broă bal, blơi phan geh lơh bơh broă lơh sa suơn sre, di gơlan rài kis làng bol kòn cau tàm do ngai sơlơ hờm ram rơlao.

Cau mblàng Ndong Brawl