VOV4.K’ho- Drim ngai 30/10, tàm Hà Nội, Mpồl Lơh broă mờ lơgar ndai Dà lơgar dê bơyai lơh Dơ\ jàu Gai lòng lời kir sơnrai “Tài broă lơh lơh broă mờ lơgar ndai bơh Đảng dê”. Tàm dơ\ bơyai lơh, ala mat Mpồl Lơh broă mờ lơgar ndai dà lơgar dê neh yal Kơrnoat jàu Gai lòng lời kir sơnrai “Tài broă lơh lơh broă mờ lơgar ndai bơh Đảng dê” pà 186 nă oh mi đơng lam bồ mờ kuang bàng gơ wèt 47 mpồl, bộ, gah sơnah lơh broă dà lơgar in neh geh cồng nha tă pơgồp uă ngan ai broă lơh lơh broă mờ lơgar ndai bơh Đảng dê in.

Đơs tàm dơ\ bơyai lơh, ồng Hoàng Bình Quân Kuang atbồ Mpồl lơh broă mờ lơgar ndai dà lơgar jờng rơ ngan ală tă pơgồp, lơh broă bal mờ dong kờl geh cồng nha bơh 186 nă oh mi đơng lam bồ dê gơ wèt mờ broă lơh lơh broă mờ lơgar ndai bơh Đảng dê mờ ală cồng nha lơh geh bơh ală bộ, ban, gah sơnah lơh broă dà lơgar dê tàm broă lơh lơh broă mờ lơgar ndai bơh Đảng dê, lơh broă mờ lơgar ndai dà lơgar, lơh broă mờ lơgar ndai làng bol. Do là bơta cih dờp, jờng rơ ngan, nùs nhơm gi\t ưn ngài jơh nùs bơh Mpồl lơh broă mờ lơgar ndai dà lơgar dê gơ wèt mờ ală anih lơh broă, bộ gah sơnah lơh broă dà lơgar.

Cau mblàng Lơ Mu K’Yến