VOV4.K’ho-  Drim òr (15/7), tàm Hà Nội, Tổng cục dia bơyai lơh Pơrjum pờ tơn tàm internet yal broă lơh jat kơnòl broă lơh dia nam do. Cồng nha tă dia 6 nhai bồ nam do kờp du\ lơh geh mờr 600 rơbô tơmàn priă, gơguh rlau 12% pơn ndrờm dùl tu\ mờ nam lài. Pal sền gròi ngan là geh 50/63 tiah tu\ tơngai tă dia lơh geh rlau 50% jơnau kờp du\ lài bơh nam dê.

Nàng lơh geh gơtùi khà priă tă dia do, Tổng cục dia neh sồr lơh jat tơnguh ală broă atbồ dia tơrgùm, ai broă lơh drơng ala dia điện tử ai cau tă dia in mờ lơh gròi sền tơm wơl priă dia is. Anih lơh broă dia ală kấp kung tơrgùm mblàng yal, dong kờl, bơto pơlam cau tơm dia in bè gùng dà broă lơh pa, dong mpồl lơh sa kă bro lơh jat kơnòl tă dia buơn boài.

6 nhai lồi nam, gah dia lơh ngan tă dia sơr lèt 5% pơn ndrờm mờ jơnau kờp du\ lài bơh Quốc hội jàu.

Cau mblàng K’ Hạnh