VOV4.K’ho – Là cau pơgru neh gơtìp tơn jơh jơnau pơrgon lơh broă, ờ geh pria\ nhai, ờ geh ală bơta dong kờl lơi, 2 nă ùr pơgru kơnòm să tàm hìu bơsram mầm non Hoàng Anh, xã Quảng Phú, kơnhòal Krông Nô kung gam kờ` ơm wơl tàm hìu bơsram nàng bơto bơtê 58 nă kơnòm bơsram kòn cau in.

Ală oh dềt kòn cau Mông, Dao, Tày, Nùng, Thái… tàm ơdu\ mầm non bơh pơgru Ngân Thị Tươi dê muh mat gơ đềt [ơ\, gam ê a bơsram đơs crih. Ală oh dềt do geh ồng mò, mè bèp bơh ală càr tiah kơh bơnơm đah tô dà lơgar ntrờ` mut tàm Krông Nô, jơh ală gơ wèt hìu bơnhă r[ah lơm. Ơdu\ bơsram kung mìng geh 2, 3 nơm k[àng, cơ ge\ neh klàr, ală pang rùp ùr pơgru sềr is halà koh nàng tơn đềt is. Mơya tiah do sùm nggồr sap đơs, sap `o\.

Hìu bơsram mầm non Hoàng Anh, xã Quảng Phú ngài mờ tiah tờm kơnhòal Krông Nô dê mờr 30 kơi sồ. Hìu bơsram geh lơh bơh nam lài, mờ 2 cơldu\ bơsram, bơh làng bol ai is ù nàng lơh. Tàm do kung ờ hềt geh gùng che ồs đèng dà lơgar sơl. Bơh tiah tờm kơnhòal kờ` mut tus hìu bơsram do pal roh git nđờ jơ lòt gan ală gơl gùng kùel kơh, ù lu\ lơm.

Ùr pơgru Ngân Thị Tươi, kòn cau Mường, là pơgru bơto jat sră pơrgon tàm hìu bơsram mầm non Hoàng Anh bơh nhai 11 nam 2018, tu\ tòm 20 sơnam. Bơh dềt, pơgru Ngân neh kờ` lơh pơgru den tàng neh bơsram gah sư phạm. Ală bơta bơsram tàm hìu bơsram mờ ngan ngồn tàm rài kis là dùl bơta krơi is dờng ngan. Kal ke, siơu\ siar pơgru Ngân ờ ngòt. Ală kơnòm bơsram dềt sền krơi sơ [ơi, ờ khin, jơh pơgru bal mờ kơnòm bơsram ờ git dà đơs he dê neh lơh broă bơto bơtê ală sau lơh quèng mờ dà yoan ờ [ươn 1 êt lơi. Bơta chờ gờp bơh ală pơgru dê là ală sau neh geh bơto dà yoan, git sền akhar, git đơs crih, tamya…

Kak ke ờ hềt jơh tu\ nggùl nam do, Phòng Gíao dục kơnhòal neh tơn jơh lơh broă mờ cau pơgru lơh broă jat sră pơrgon den tàng ua\ cau pơgru neh ơm ờ bơto tai. Nggùl nam do, ờ geh dùl đông, dùk kak pria\ nhai, mơya pơgru kơnòm să do neh lơh ngan kơlôi rơcang, sơr lèt gan kal ke să tờm dê nàng ơm wơl hìu bơsram, bơto ală sau in: “Tơl bơta ndrờm kal ke lơm, ờ geh pria\ nhai, tàm tu\ lòt lơh broă den ngài, pria\ blơi xăng đì rơndeh, sàu sa ndrờm pal dan bơh hìu bơnhă lơm. Geh ua\ tu\ rê tàm hìu mè lùp là `chi bơh tài lòt lơh broă mờ ờ geh pria\ den a` kung moat jrùm ngan. Lài do, a` kung dờng tàm do den tàng oh ală oh dềt geh rài kis kal ke ngan, he kung neh geh tu\ sơr lèt gan ală bơta kal ke bè hơ\ sơl. Dan mut tàm hìu bơsram nàng bơto bơtê tài a` kờ` ngan lơh pơgru, kơp kờ` lơh bè lơi bơto bơtê ală oh dềt in, nàng tơ nơ\ do ală oh geh jơnau git wă, geh rài kis niam rlau. Tu\ do ờ geh pria\ nhai mơya kung gam pal lòt lơh broă tài ngòt ală sau ờ go\ pơgru den ală sau kung ờ tus hìu bơsram sơl”.

2 nă pơgru kơnòm să lơh is phan nhơl ală oh dềt in

Kung là pơgru bơto jat sră pơrgon neh 3 nam do, pơgru Cao Thị Thuyền, deh nam 1996, là pơgru bơto tàm hìu bơsram mầm non Hoàng Anh kung gơtìp ală kal ke bè do sơl tu\ gơtìp tơn jơh jơnau pơrgon lơh broă. Bulah bè hơ\, pơgru Thuyền kung gam kờ` is ơm wơl mờ hìu bơsram, bơto bơtê ală oh dềt, dong hìu bơsram atbồ ơdu\ lá mờ 30 nă oh dềt: “Ờ geh pria\ nhai ua\ tu\ kung ờ geh pria\ tuh xăng nàng lòt bơtê, ua\ tu\ pal dan đì rơndeh cau lòt tàm gùng dê nàng pơndiang tus hìu bơsram. Ua\ tu\ kung gơlik dil ngan, kờ` sang broă mơya go\ nđàc kơnòm bơsram, dilah he ờ bơto den tơnơ\ do ală sau mut ơdu\ 1 den ờ git đơs dà yoan, ờ git bơta lơi den nđàc ngan ală sau. Bơta kir sơnrai mờ a` kah ngan rlau jơh là geh mè bèp jun ală sau tus mơya ờ geh àu mpha soh, tu\ hơ\ a` sền gơ hòr dà mat tơn. Ua\ tu\ go\ ală sau jơgloh ir den he lòt blơi ba`, dà toh ală sau in sa mờ hùc, tàm tu\ să tờm he den ờ geh phan lơi nàng sa”.

Bi Vi Thị Hoa, kòn cau Thái, ơm kis tàm xã Quảng Phú pà git, bơh tu\ kòn bi dê lòt bơsram ơdu\ mẫu giáo, tài geh bơta dong kờl, bơto bơtê bơh pơgru dê, den tàng kòn bi dê tu\ do rê tàm hìu neh git đơs crih, git yal jơnau, kờ` ngan lòt bơsram. Bi Vi Thị Hoa đơs bè nùs nhơm bơh ală mè bèp tàm tiah do dê bè do: “Ală pơgru bơto, kung dong ală sau git akhar tàm tiah sar lơgar ngài, kung ưn ngài 2 nă pơgru neh dong kơnòm dềt in git ală bơta nàng tu\ lòt tàm gùng tàm dà kung git bơta do, bơta ne. Pơn yơu tu\ lòt gan gùng mờ ờ git akhar den bè he git gùng lòt. Ală oh dềt kòn cau Mông den tàm tiah sar lơgar ngài, kis tàm tiah kơh bơ nơm, dilah ờ git dà yoan den ua\ tu\ kung nđàc ală pơgru in. Mè bèp kòn cau Mông bol a` dê lơh broă ngài ngan, trồ mang hơ\ sồng tus rò kòn, den tàng kung nđàc ngan 2 nă pơgru pal kơp”.

Pơgru Cao Thị Thuyền lam kơnòm dềt nhơl

Pơgru Lê Thị Kim Thịnh, atbồ hìu bơsram pà git, tu\ do, hìu bơsram gam atbồ 25 nă kuang bàng, công nhân viên chức bal mờ 302 nă kơnòm bơsram gam bơsram tàm ală sơne\ hìu bơsram. Mìng is gơ wèt mờ hìu bơsram mầm non Hoàng Anh là hìu bơsram ngài ngan rlau jơh, ngài mờ hìu bơsram tờm tus 20 kơi sồ: “Kơnờm geh bơta pơn jờng bơh mpồl đơng lam hìu bơsram kung bè ală cau pơgru lơh broă bal nàng ală pơgru in pơn jat tai broă lơh bơto bơtê. Tu\ do, lòt lơh broă git nđờ nhai mờ ờ geh pria\ nhai, bal mờ hơ\, hìu bơnhă kung ua\ ngan kal ke. Gơ wèt mờ să tờm a` là kuang đơng lam hìu bơsram dê tu\ lơh broă tàm do den a` kung ờ suk ngan. Kung dan dà lơgar dong kờl tus cau pơgru bơto jat sră pơrgon tài ală pơgru bơto jat sră pơrgon bơh hìu bơsram a` dê den gơ ơm tàm rơndap biên chế lơm, kơp kờ` là lơh pơr lòng công chức gờ` nàng gàr niam gơ noar kươ mờ bơta dong kờl bè ală cau ndai”.

Dilah ờ kờ` kơnòm bơsram, ngan là ală kơnòm dềt kòn cau mùl gam geh dùl rài kis kal ke ngan den digơlan ờ geh cau lơi kơ\ nùs nàng jat bơta kơp kờ` ơm wơl mờ [òn lơgar, ơm wơl mờ hìu bơsram tàm tiah gam ua\ kal ke bè hìu bơsram Hoàng Anh. 2 nă ùr pơgru kơnòm să là cau jơh nùs bơh broă lơh, geh kơnòm bơsram, cau lơh broă bal sền ngềr. Mơya tus tu\ lơi hơ\ sồng khi gơs là ală cau pơgru di mờ jơnau pơrya mat sơnđan broă lơh do dê.

Cau mblàng K’Duẩn