VOV4.K’ho-Gi\t wa\ loh bơta kuơmàng bơh chi bộ dê- mpồl cau tờm lơh broă chính trị tàm kơnă hơđơm, mờ rlau mờ bơta lơi jơh là bơsong jơnau geh ngan “ơm mo\ ngềt ngơ\t” bơh ală dơ\ pơrjum chi bộ, Tỉnh ủy Dăk Lăk neh lam lơh uă gùng dà broă lơh tàm hơ\ tam gơl pa tơnguh uă cồng nha pơrjum, ngui niam gơnoar broă cau tờm đơng lam bồ bơh chi bộ Đảng dê là jơnau sồr kuơmàng mờ jal mhar ngan rlau jơh

Nam 2001, [òn Kom Leo ờ hềt geh mpồl Đảng kơnă hơđơm, [òn kung là tiah pơneh uă bè bơta ờ lơngăp lơngai ờ rơndăp tăp sèng bơh xã Hoà Thắng, [òn dờng Buôn Ma Thuột, càr Dăk Lăk dê tu\ geh uă cau tus bal lik dră, lơh gơlik bơta tung lơtăng.

Bơh dùl anih pơneh uă bè bơta ờ lơngăp lơngai ờ rơndăp tăp sèng, tus tu\ do, Kom Leo geh bơta tam gơl loh làng. Ală gùng che đèng, gùng lòt, hìu bơsram, hìu sơnơm geh bơcri priă lơh niam ngan. Rài kis làng bol dê geh sơlơ bơtàu tơnguh tai, uă hìu bơnhă priă lơh geh tus gi\t nđờ rhiang tơlak priă pah nam. Cồng nha do geh đơs là geh bơta đơng lam, atbồ jrô ơnàng ngan bơh tàm [òn lơgar tơn, tàm hơ\ pal kờp tus gơnoar broă tờm bơh broă bơ\t bơtàu chi bộ đảng dê.

Lồi nam 2001, chi bộ [òn Kom Leo geh crơng gơs. Mpồl Đảng kơnă hơđơm bơh sơnrờp bơh [òn dê mìng geh 5 nă đảng viên lơm, ndrờm geh ntrờ` bơh tiah ndai tus. Nàng chi bộ lơh broă geh cồng nha, Đảng ủy xã, Thành ủy mờ Tỉnh ủy sùm lam ală mpồl rê tus bal, pơlam chi bộ tơnguh uă cồng nha pơrjum. Tus tu\ do, chi bộ [òn Kom Leo neh geh 17 nă đảng viên.

Bơta pal sền ngac ngan là, tàm pah dơ\ pơrjum, chi bộ ndrờm tam pà tơngume gơ gơs 2 bơnah, bơnah sơnrờp là pơrjum bal, chi bộ jà Mpồl atbồ is thôn tus bal nàng iăt kơno bal ală jơnau đơs bơh Mpồl atbồ is dê mờ di tu\ hơ ală jơnau lùp bơh làng bol dê. Bơnah dơ\ 2 là hơ\ sồng pơrjum broă lơh ờs mờng bơh chi bộ dê.

Ồng Quách Bình, Bí thư chi bộ [òn Kom Leo, pà gi\t: Tơnơ\ ală dơ\ pơrjum bè hơ\, bol a` ai geh uă jơnau mờng chài. Bơta tă pơgồp jơnau đơs bơh ală oh mi tàm đảng bộ dê, jơnau đơs tă pơgồp bal bơh Mpồl bơyai broă Thành ủy dê mờ kuơmàng ngan rlau jơh là bơta tă pơgồp jơnau đơs bơh Phó Kuang atbồ Mpồl bơyai broă Tỉnh ủy dê mờ bơh tu\ hơ\ den he sền go\ geh ală bơta lơi mờ he ờ hềt lơh geh. Sền go\ loh làng ngan.

Geh bơta sền gròi bơh kấp hơđăng dê kung bè bơh tu\ he lơh jăt Kơrnoat sồ 10 mờ sồ 12 bơh Tỉnh ủy dê mờ bàr pe sră nggal bơh [òn dờng dê bè broă tơnguh uă cồng nha pơrjum chi bộ thôn, [òn den bol a` lơh jăt di bơta hơ\, tus tu\ do, chi bộ [òn Kom Leo den pah nam bol a` lơh geh sàng goh pràn kơldang kơ\ kơl jăp.

Chi bộ thôn Cư H’Lăm kung là dùl anih pơnrơ tàm tam gơl pơrjum chi bộ kơnă hơđơm bơh Đảng ủy thị trấn Ea Pok, kơnhoàl Cư Mgar dê. Bal mờ broă ngui niam nùs nhơm làng bol lơh tờm tàm tu\ pơrjum chi bộ, den dùl bơta lơh gơlik cồng nha hơ\ ngan là lơh jơh kơnòl broă bơh tơl nă đảng viên dê, sồr “đơs den pal đơs, lơh den pal lơh niam.

Kơnờm bơta dùl nùs bal bơh đảng viên mờ làng bol dê mờ uă broă bơtàu tơnguh lơh sa bơh thôn dê lơh geh mờ sơrlèt broă jàu, srơh bơ\t bơtàu [òn lơgar pa lơh geh uă cồng nha pơnrơ. Mìng kờp is tàm 2 nam bơh nam 2017- 2018, làng bol tàm thôn neh pà ù, tă pơgồp ngai lơh broă mờ tă pơgồp 2 tơmàn 400 tơlak nàng lơh gùng lòt tàm [òn lơgar.

Ồng Bùi Bạch Tâm, Bí thư Chi bộ thôn Cư H’Lăm, pà gi\t: Chi bộ jàu kơnòl, tơl nă đảng viên drơng kơnòl bơh 5 tus 7 hìu bơnhă làng bol, den tàng broă hòi jà làng bol tus bal lơh ală srơh pal đơs là làng bol dờp bal jơh nùs ngan. Kung kơnờm bơta lam bồ, lơh krơh bơh đảng viên dê tàm broă lơh gùng lòt tàm [òn lơgar, gùng bơkàu, bơ\t bơtàu hìu bơnhă niam chài den tàng lơh broă lơi ndrờm dờp geh bơta dùl nùs bal bơh làng bol dê.

Ală đảng viên lơh sa jak gơ gơs là krơh àng nàng ală chi bộ in lam lơh jăt mờ rề ơnàng lơh uă tàm [òn lơgar

Sền bơtàu tơnguh cồng nha pơrjum chi bộ là bơta dờng màng ngan rlau jơh nàng tơnguh bơta pràn Đảng dê, Ban Thường vụ Tỉnh ủy Dăk Lăk neh geh Broă rơndăp lơh 32 bơh Ban Thường vụ Tỉnh ủy dê bè tơnguh uă cồng nha pơrjum chi bộ tàm ală broă lơh mpồl đảng kơnă hơđơm.

Tàm hơ\, sồr crơng gơs ală mpồl kuang bàng lơh broă bơh Ban Thường vụ Tỉnh ủy dê rê tus bal pơrjum mờ chi bộ thôn, [òn. Tàm 2 nam, bơh nam 2017 mờ 2018, ală mpồl kuang bàng lơh broă bơh Thường trực Tỉnh ủy dê neh tus bal pơrjum ờs mờng pah dơ\ mờ 50 chi bộ tàm ù tiah càr dê.

Ală Thành ủy, Huyện ủy, Thị ủy, kung neh jàu kơnòl ală kuang bàng ală oh mi tàm Ban Thường vụ, Ban Chấp hàng in dờp lơh kơnòl broă [òn lơgar mờ crơng gơs ală mpồl kuang bàng tus bal pơrjum mờ chi bộ thôn, [òn tàm ală ù tiah kuơmàng, ală xã tiah sar lơgar ngài…

Ồng Trần Vũ Cường, Kuang atbồ Mpồl bơyai broă Thành ủy Buôn Ma Thuột pà gi\t, broă Ban Thường vụ Tỉnh ủy lam lơh Broă rơndăp lơh sồ 32 neh ngan ngồn lơh gơlik geh nhơm kis pa tàm broă tơnguh uă cồng nha pơrjum chi bộ. Ồng Trần Vũ Cường, đơs bè do: Tơnơ\ tu\ lơh jăt Chỉ thị bè broă tơnguh uă cồng nha pơrjum chi bộ bơh thôn, [òn, tổ dân phố dê den bàr pe thôn, [òn, tổ dân phố, kuơmàng bàr pe [òn cồng nha pơrjum niam ngan, ală tiah làng bol ơm kis niam chài ngai sơlơ geh bơta bơtàu tơnguh bè rài kis, kơ\ kơl jăp bơta lơngăp lơngai rơndăp tăp sèng ờdo ờdă tàm [òn lơgar.

Kuơmàng gơ wèt mờ ală [òn geh broă chính trị, bơta lơngăp lơngai ờ niam, gơbàn kal ke den tàm tơngai lài bơh bơta đơng lam, atbồ bơh kấp ủy, ală chi bộ thôn, [òn, tổ dân phố neh gơlòt mu\t ngan ngồn tàm broă lơh mờ gàr niam bơta lơngăp lơngai rơndăp tăp sèng ờdo ờdă tàm ù tiah ală thôn, [òn. Cèng wơl cồng nha geh kuơ ngan ngồn tàm broă bơtàu tơnguh rài kis làng bol in.

Ală gùng bơkàu gam rơhời geh lơh gơs bơh Kơrnoat Chi bộ thôn Cư H’Lăm dê

Bơh rlau 2 nam lơh jăt Broă rơndăp lơh sồ 32 bơh Ban Thường vụ Tỉnh ủy Dăk Lăk dê neh dong cồng nha pơrjum bơh Chi bộ dê tơnguh loh làng ngan. Cồng nha do geh tơngo\ bơh khà mpồl đảng kơnă hơđơm lơh geh bơta sàng goh, pràn kơldang kơ\ kơl jăp mờ đảng viên lơh gơs niam kơnòl broă geh jàu nam tơnơ\ jơnhoa rlau mờ nam lài.

Mìng kờp is 26 chi bộ ờ pràn jak geh Ban Thường vụ Tỉnh ủy Dăk Lăk jăt sền tàm ală tu\ lòt pơrjum bal, tus tu\ do neh geh 7 chi bộ cồng nha pơrjum chi bộ geh lơh di jơnau sồr; tàm tu\ pơrjum neh lơh niam geh 3 bơta hơ\ là bơta bơto bơtê, bơta tam dră mờ bơta đơng lam bồ; 4 chi bộ bơyai lơh pơrjum lơh geh bơta niam…

Ồng Phạm Minh Tấn, Phó Bí thư Thường trực Tỉnh ủy Dăk Lăk đơs nền, ală chi bộ lơh lài do geh gơ gơs là mpồl cau niam nàng Tỉnh ủy Dăk Lăk rề ơnàng ai lơh uă. Ồng Phạm Minh Tấn, đơs: Gơ wèt mờ ală chi bộ geh cồng nha pơrjum niam kung là ală krơh gơdờp niam ngan tus ală tu\ pơrjum chi bộ bơh ală chi bộ tàm ală tiah ndai dê in. Bơh hơ\, Thường trực Tỉnh ủy hơ\ sồng ală Đảng bộ gơ wèt bal sền broă lơh hơ\ ai ală chi bộ ndai in bơsram đòm jăt bal.

Tàm tơngai tus, nàng tơnguh uă cồng nha pơrjum Chi bộ, Tỉnh ủy geh sồr ală Đảng bộ gơ wèt bal kung geh gùng dà, broă lơh sơl nàng lơh bè lơi tề lam tai ală gùng dà pơrjum chi bộ nàng kờ` tơnguh uă cồng nha pơrjum kung bè pơn jăt tai ai ală mpồl kuang bàng, ală oh mi dờp lơh kơnòl broă ală [òn lơgar tus nàng să tờm tus bal pơrjum tàm [òn lơgar nàng dong ai chi bộ in geh gùng dà pơrjum di nàng pleh jơnau lơh đah bơdìh lơm gời tàm tu\ pơrjum. Jơnau kờ` là rơhời nàng tơnguh uă cồng nha pơrjum chi bộ.

Rlau 800 mpồl đảng kơnă hơđơm tàm càr Dăk Lăk gam là mpồl cau tờm tàm [òn lơgar. Broă tam gơl pa mờ lơh uă gùng dà pơrjum chi bộ tàm Dăk Lăk jăt broă lơh ai lơh tơrlòng lài bè do tu\ geh rề ơnàng ai lơh uă den ngan ngồn geh pơgồp bơnah tơnguh uă cồng nha mờ bơta pràn tam dră bơh mpồl đảng kơnă hơđơm dê tàm càr, bơh hơ\ ngui niam gơnoar broă cau tờm đơng lam bồ bơh ală chi bộ dê tàm rài kis mpồl bơtiàn, pơgồp bơnah bơ\t bơtàu Đảng ngai sơlơ sàng goh, pràn kơldang kơ\ kơl jăp.

Cau mblàng Lơ Mu K’Yến

Dilah làng bol mờ gơ\p bơyô kờ` pờ nàng sền jơnau cih sơnrờp dan pờ jăt gùng do: http://vov4.vov.vn/Kho/chuyen-muc/dak-lak-tonguh-ua-cong-nha-porjum-chi-bo-tonguh-tai-bota-pran-dang-de-jonau-cih-c162-283782.aspx