VOV4.K’ho- Lài mờ tu\ lơh nền ki\ bơcri priă lơh mpồl broă lơh tơnau dơng dà Ia Mơr, broă lơh kơlôi sơnơng, lòt sền neh geh ală Bộ, gah sơnah lơh broă dà lơgar dê lơh dùl bă nền nòn ngan. Bè hơ\, mơya `chi gơlơh tus tu\ do, tu\ broă lơh tơnau dơng dà kuơmàng dà lơgar do dê neh lơh gơs mờ ờ geh wơl tiah nàng tuh dà, lơh gơlik bơta pơhì pơhà dờng ngan taih? Kơnòl bơh cau tờm bơcri priă dê là Bộ Nông nghiệp mờ Phát triển Nông thôn geh sền swì bè lơi?
Tu\ do, tơnau dơng dà Plei Pai mờ bơtơ\t dơng dà Ia Lốp neh geh jàu mơya cồng nha ngui tàm bơta geh ngan tàm rài kis là ờ hềt uă. Bơnah broă tờm bơh mpồl broă lơh tơnau dơng dà do là tơnau dà Ia Mơr lơh gơs, 2 nơm rbòng dà pơđì dà Chính Đông mờ Chính Tây gam lơh gơs. Jăt rơndăp ù tiah lơh broă lơh do den geh drơng broă tuh dà ai pơgăp 12 rbô 500 lồ ù lơh broă sa sươn sre tàm kơnhoàl Chư Prông, càr Gia Lai in mờ kơnhoàl Ea Súp, càr Dăk Lăk in.
Mơya tàm bơta geh ngan tàm rài kis, ală tiah geh rơndăp ù tiah là tiah tuh dà do tu\ do gơlik wơl là brê dờng, brê kròng, brê ờ huan geh chi che. Bulah là brê ờ huan geh chi che, bal mờ chi brê dùl êt mờ rah rài mơya jăt jơnau ai den bă ù do kung gam sơl là brê geh is, broă tam gơl jơnau kờ` ngui ù brê gơ gơs jơnau kờ` ngui ù lơh broă sa sươn sre là ờ go\ [ươn dùl êt lơi.
Ồng Hà Công Tuấn, Thứ trưởng Bộ Nông nghiệp mờ Phát triển Nông thôn pà gi\t: Bơta kal ke tờm tu\ do là nàng ai tơmu\t ngui broă lơh do là tam gơl jơnau kờ` ngui ù brê. Tiah tuh dà bơh Ia Mơr dê là 12 rbô 500 lồ, den tàm ù tiah Ea Súp, càr Dăk Lăk dê là 4 rbô lồ, den neh geh gùng dà mờ neh tam gơl jơnau kờ` ngui ù gơ dê. Mơya, tàm ù tiah Gia Lai den pơgăp 8 rbô 500 lồ bơh [làng sre dê den mờr 8 rbô lồ là brê geh is, là dùl bă ù dờng ngan. Tu\ do, bè đah kơrnoat boh lam là ờ hềt geh ki\ gùng dà tam gơl jơnau kờ` ngui ù. Khà bă ù do là pal Quốc hội ki\. Kal ke là bè hơ\.
Tàm tơngai Bộ Nông nghiệp mờ Phát triển Nông thôn geh Kơrnoat ki\ lơh rơndăp broă lơh tơnau dơng dà Ia Mơr tàm nam 2005, broă tam gơl jơnau kờ` ngui ù bơh ù brê ờ huan geh chi che gơs ală jơnau kờ` ndai jăt ală jơnau ai bơh kơrnoat boh lam dê tu\ hơ\ ờ huan kal ke ir.
Mơya, nam 2013, Adat lơh broă brê bơnơm geh Quốc hội ki\ mờ geh ai ngui, ală jơnau sồr kal ke bơh Adat do dê, ngan là tơngume sồr pal tam brê ala tu\ tam gơl ù brê gơlik gơs jơnau kờ` ờ gơ wèt ù brê neh lơh tus broă tam gơl 8 rbô lồ brê geh is gơ wèt kơnhoàl Chư Prông tus ù lơh broă sa sươn sre tìp bơta kơryan.
Bơtơl tai tàm hơ\ là tềng đap bơta geh ngan mus kơl brê gơlik geh khăt gơboh làm bă tiah tàm làm gùt Tây Nguyên đơs is mờ gùt lơgar đơs bal mờ ngan là jơnau gơlời wơl bơh gùng dà tam gơl 100 rbô lồ brê ờ huan geh chi che nàng tam kau su, ngai 22/7/2016, Văn phòng Chính phủ geh sră nggal sồ 191 yal jơnau đơs pơndu\t bơh Thủ tướng ồng Nguyễn Xuân Phúc dê tàm pơrjum bè ală gùng dà broă lơh tam wơl brê kơ\ kơl jăp jo\ jòng tàm Tây Nguyên nàng kờ` sơrlèt gan mờ bơta tam gơl trồ tiah bơh nam 2016- 2020 mờ ngai 27/1/2017, Ban Bí thư Đảng dà lơgar geh Chỉ thị sồ 13 tàm hơ\ đơs wih đơs wơl broă lơh tơnguh tai sền gàr mờ bơtàu tơnguh brê, ơm te\ broă tam gơl bă brê geh is gơ gơs jơnau kờ` ngui ndai.
Ồng Dương Văn Trang, Ủy viên Đảng dà lơgar, Bí thư Tỉnh ủy Gia Lai đơs là, Chỉ thị sồ 13 bơh Ban Bí thư dê mờ jơnau đơs pơndu\t bơh ồng Nguyễn Xuân Phúc Thủ tướng Chính phủ dê là di tu\ ngan. Bơh hơ\, broă lơh sền gàr mờ bơtàu tơnguh brê tàm làm gùt lơgar neh geh ală bơta tam gơl niam loh làng ngan. Mơya kung tài bè hơ\ mờ 8 rbô lồ brê tàm kơnhoàl Chư Prông sùm geh rơndăp ù tiah là tiah tuh dà bơh tơnau dơng dà Ia Mơr dê ờ gơtùi tam gơl gơs ù lơh broă sa sươn sre.
Ồng Dương Văn Trang, Ủy viên Đảng dà lơgar, Bí thư Tỉnh ủy Gia Lai đơs: Tơnau dơng dà Ia Mơr 3 rbô tơmàn priă neh bơcri gơs, tơnau dơng dà neh ngơr bềng dà, rbòng dà tờm neh mờr lơh gơs sơl mơya tu\ do ờ geh ù tuh dà tài bơh gơkòl Jơnau đơs pơndut sồ 191 bơh Thủ tướng dê mờ Chỉ thị sồ 13 bơh Bộ Chính trị dê ờ go\ ai tam gơl. Mờ kơnhoàl ù tiah do là 3 xã tiah nhàr lơgar mờ kòn cau ơm kis 100% bal mờ Ea Súp, càr Dăk Lăk dê kung là tiah nhàr lơgar sơl mờ làng bol kòn cau sơl, làng bol tàm tiah do r[ah lơ ờ ngan, kơ\p kơnờm tàm tơnau dơng dà do neh lơh gơs mờ ờ gơtùi tuh geh dà den mbè gơtùi làng bol tiah do klàs geh r[ah.
Tàm dơ\ lòt lơh broă mờ Ủy ban Nhân dân càr Gia Lai ngai 16/9 pa do, Mpồl kuang bàng bơh Chính phủ dê bơh ồng Vương Đình Huệ Phó Thủ tướng Chíng phủ lơh Kuang atbồ mpồl neh iăt jơnau yal bơh Ủy ban Nhân dân càr Gia Lai dê bè bơta geh ngan do kung bè bơnah mblàng yal lơh loh bơh Bộ Nông nghiệp mờ Phát triển Nông thôn bè broă ki\ rơndăp broă lơh tơnau dơng dà 3 rbô tơmàn priă bơh kes priă dà lơgar dê mờ ờ geh wơl tiah tuh dà. Phó Thủ tướng ồng Vương Đình Huệ đơs là, do ngan ngồn là jơnau krơi sơ [ơi ngan.
Ồng Vương Đình Huệ đơs: Lài do a` kung ờ git sơl ală oh mi lơh, sền swì gơrềng bè lơi mờ lơh gơs broă mờ ờ geh bơta lơi nàng tuh dà den ờ git là lơh tơnau dơng dà bè lơi sơl. Lơh tơnau dơng dà nàng tuh dà mơya ờ git tuh bơta lơi in den là krơi sơ [ơi ngan.
Mìng gam dùl êt ngai tai là 2 nơm rbòng dà tờm đah mat tơngai lik mờ rbòng dà tờm đah mat tơngai mu\t bơh tơnau dơng dà Ia Mơr geh lơh gơs. Bơh 2 nơm rbòng dà dô geh gơlik gơs ală gùng jun dà gơlơh bè ntìng ka jun dà tuh tus ală bă ù lơh sa sươn sre jăt rơndăp ù tiah. Mơya, ờ git tus tu\ lơi hơ\ sồng tam gơl geh 8 rbô lồ brê dờng gơ gơs ù lơh sa sươn sre taih? Mờ dillah ờ gơtùi tam gơl geh 8 rbô lồ brê dờng brê kròng do gơ gơs ù lơh broă sa sươn sre den broă lơh broă lơh tơnau dơng dà kuơmàng dà lơgar do dê bal mờ priă lơh geh ai bơh kes priă dà lơgar dê mờr 3 rbô tơmàn geh pơhì pơhà sơl halà ờ?
Cau mblàng Lơ Mu K’Yến
Dilah làng bol mờ gơ\p bơyô kờ` pờ mờ sền jơnau cih dơ\ sơnrờp dan jà pờ jăt gùng pơlam do:
Viết bình luận