VOV4.K’ho- Ờ gơtùi lời broă lơh tơnau dơng dà kuơmàng dà lơgar Ia Mơr bal mờ priă tă lơh mờr 3 rbô tơmàn pơhì pơhà, hơ\ là jơnau sồr bơh ồng Vương Đình Huệ Phó Thủ tướng Chính phủ dê tàm dơ\ lơh broă mờ Tỉnh ủy, UBND càr Gia Lai tàm ngai 16/9 pa do. Bè hơ\, gùng dà broă lơh lơi lơh geh bơta kuơ ngui bơh broă lơh tơnau dơng dà dờng ngan do dê taih?
Mìng 5 ngai tơnơ\ dơ\ lơh broă bơh Mpồl kuang bàng Chính phủ dê mờ Tỉnh ủy Gia Lai, Ủy ban Nhân dân càr Gia Lai ngai 21/9 pa do, Mpồl Kuang bàng bơh Bộ Nông nghiệp mờ Phát triển Nông thôn bơh ồng Nguyễn Hoàng Hiệp Thứ trưởng Bộ Nông nghiệp mờ Phát triển Nông thôn lơh kuang atbồ mpồl jăt jơnau sồr bơh Chính phủ dê neh pơgồp bal mờ Ủy ban Nhân dân càr Gia Lai să tờm tơn tus sền broă lơh tơnau dơng dà Ia Mơr tàm xã Ia Mơr, kơnhoàl Chư Prông, càr Gia Lai dê.
Jăt tàm bơta lòt sền ngan ngồn bal mờ jòi gùng dà broă lơh, tă bơsong kal ke, yal mờ Thường trực Chính phủ in jòi gùng dà bơsong, ngui geh cồng nha broă lơh tơnau dơng dà kuơmàng dà lơgar do dê, tàm tiah geh ngan, ồng Nguyễn Hoàng Hiệp, Thứ trưởng Bộ Nông nghiệp mờ Phát triển Nông thôn, đơs bè do: Geh bàr pe broă kờ` pal lơh tơn, lài jơh là càr Gia Lai pal bal mờ bol a` geh lòt sền jơh ală bơta geh ngan bơh mờr 8 rbô lồ ù do dê bè lơi. Tàm tơngai kơlôi sơnơng nam 2010 mờ lài hơ\ tai, bơta geh ngan bơh tiah do dê là brê ờ huan geh chi che den tàng neh hơ ai tam gơl. Mơya, tu\ do, bơh rlau 10 nam rao digơlan là neh tam gơl. Tơnơ\ tu\ lùp kờp jơh den càr geh yal dùl rơndăp broă lơh tơrgùm bal jơh ală bơta, tàm hơ\ đơs loh tam gơl bè lơi, tam gơl lơh bơta lơi, pal geh sră rơndăp ù tiah ngui ù loh làng. Tu\ hơ\, jăt tàm rơndăp broă lơh loh làng hơ\, bol a` bal mờ ală bộ, gah lơh broă dà lơgar geh gơrềng bal geh yal mờ Chính phủ in.
Nàng lơh geh cồng nha ngui bơh broă lơh tơnau dơng dà kuơmàng dà lơgar Ia Mơr, bơdìh mờ broă lơh geh bă ù tuh dà bè rơndăp ù tiah bơh sơnrờp ndrờm bè ờ gam gùng lơi ndai tai. Hơ\ là pal tam gơl 8 rbô lồ ù brê ờ huan geh chi che jăt rơndăp ù tiah bơh lài tus gơ gơs ù lơh broă sa sươn sre. Mơya, ồng Hà Công Tuấn, Thứ trưởng Bộ Nông nghiệp mờ Phát triển Nông thôn đơs wih đơs wơl là pal lơh jăt tơl broă, ba` lơh dùl bă ur ar, pleh lơh gơlik bơta ờ suk tàm mpồl bơtiàn tài bơh gơrềng tus phan kuơ geh is brê bơnơm.
Ồng Hà Công Tuấn, Thứ trưởng Bộ Nông nghiệp mờ Phát triển Nông thôn, đơs bè do: Bol a` sồr, càr geh broă rơndăp lơh, gùng dà nàng yal mờ dà lơgar in, ală bộ geh dan mờ Chính phủ nàng đơng lam, mơya đơs loh ală tiah tam gơl nàng lơh bơta lơi mờ geh gùng dà broă lơh, ờ duh pal dùl tu\ bal yal bơr rồ jơh 8 rbô 500 lồ ù mờ ờ hềt gơtùi ngui den là sơbơng roh ngan, lơh gơlik bơta ờ suk tàm mpồl bơtiàn. Pal lơh tus tiah lơi lơh jơh tus tiah hơ\, geh tu\ tơngai geh gùng dà broă lơh”.
Gùng dà là bè hơ\ mơya tam gơl 8 rbô lồ ù brê gơ gơs ù lơh broă sa sươn sre pal geh lơh jăt di ală broă pal jăt bơh adat boh lam gam ngui tu\ do dê ai. Ồng Vũ Tuấn Nhân, Thứ trưởng Bộ Tài nguyên mờ Môi trường đơs là: Nàng tam gơl khà bă ù brê tus 8 rbô lồ gơ gơs ù lơh sa sươn sre pal geh dùl rơndăp broă lơh loh làng. Tàm hơ\, pal mblàng sền, sền swì bơta gơrềng tus tiah ơm kis pal lơh jăt di jơnau ai bơh kơrnoat boh lam dê.
Ồng Vũ Tuấn Nhân, Thứ trưởng Bộ Tài nguyên mờ Môi trường đơs bè do: Uă dơ\ Kuang bàng Quốc hội kung đơs pràn kơldang ngan bè broă do, den tàng bè hơ\ nàng ring bal uă ală kuang bàng, ală bộ gah sơnah lơh broă dan mờ Thủ tướng den sồr geh dùl rơndăp broă lơh bơh càr dê loh làng ngan, mblàng sền, geh bal bơta gơrềng tus tiah ơm kis, gơrềng tus brê, ù brê. Bơta do kung kal ke tai là tu\ ki\ broă rơndăp lơh ngui ù tơngai bơh nam 2016- 2020 bơh càr dê den ờ hềt ai tơmu\t, ờ hềt geh Thủ tướng ki\. Tu\ do, nàng tam gơl den pal ki\ tam gơl den ngan ngồn là pal bơh Thường trực Chính phủ ki\ ai gơnoar tam gơl bal mờ ală cơng tàng geh gơrềng bal.
Bal mờ ală jơnau sồr bơh kơrnoat boh lam gam geh ngui tu\ do dê, tam gơl 8 rbô lồ ù brê gơ gơs ù lơh broă sa sươn sre là broă lơh kal ke ngan, gơrềng tus uă Bộ, gah sơnah lơh broă dà lơgar, pal geh dùl rơndăp broă lơh pal geh bơta jak chài, loh làng, gơnăp gơnoar lơh nền gơ wèt mờ Quốc hội. Ngan den tàng bè hơ\ mờ ờ mìng dùl nă să Ủy ban Nhân dân càr Gia Lai halà Bộ, gah sơnah lơh broă lơi gơtùi lơh geh mờ kờ` pal geh bơta pơgồp bal bơh jơh bal Chính phủ dê.
Phó Thủ tướng ồng Vương Đình Huệ neh jàu Bộ Nông nghiệp mờ Phát triển Nông thôn in pơgồp bal mờ Ủy ban Nhân dân càr Gia Lai mờ ală Bộ, gah sơnah lơh broă dà lơgar lơh jơnau yal nàng yal mờ Thủ tướng, Thường trực Chính phủ in bè tơngume do. Jăt tàm bơta hơ\, Chính phủ geh bơyai lơh dơ\ pơrjum tơngume den hơ\ sồng gơtùi bơsong geh.
Ồng Vương Đình Huệ, Phó Thủ tướng Chính phủ đơs bè do: Bè broă lơh tơnau dơng dà Ia Mơr, kơnhoàl Chư Prông den jàu ai Bộ Nông nghiệp mờ Phát triển Nông thôn in đơng lam pơgồp bal mờ càr yal nền cê broă do, mờ pơgồp bal mờ Bộ Tài nguyên mờ Môi trường, ală bộ gah sơnah lơh broă geh gơrềng nàng yal mờ Thủ tướng, Thường trực Chính phủ. Kung pal pơrjum nàng geh gùng dà broă lơh, dilah bơh dùl bộ den kung ờ rơgơi bơsong geh sơl. Pal geh dơ\ pơrjum tơngume bè broă do.
Tam gơl jơnau kờ` ngui ù, lơh gơlik bă ù lơh sa sươn sre tơrgùm bal, lơh geh bơta kuơ ngui bơh broă lơh tơnau dơng dà Ia Mơr dê là jơnau kơ\p kờ` ngan bơh jơh ală làng bol tàm tiah do dê tàm tu\ do. Bi Nguyễn Văn Tưởng bơh tiah [òn tờm r[ah lơ ời Thanh Hoá jăt jơnau hòi jà bơh broă lơh bơ\t bơtàu “[òn ơruh pơnu jòi broă lơh” neh tus tàm xã Ia Mơr ơm kis bal mờ bơta gơn kơnờm broă lơh tơnau dơng dà Ia Mơr geh cèng wơl rài kis pa ai làng bol tiah do in kung bè ală cau lòt bơ\t bơtàu rài kis pa, sền gàr kơnhoàl ù tiah nhàr lơgar bè bi mơya tơnơ\ rlau jơ\t nam ơm kơ\p broă lơh gơs den tu\ do kung gam pơn jăt tai ơm kơ\p sơl.
Bi Nguyễn Văn Tưởng, đơs bè do: Gùng dà jun ơruh pơnu mu\t tàm do den gơ kung bơsong geh bơnah lơh broă jơngkah tàm [òn lơgar mơkung dùl bơnah lơi tă pơgồp bơta pràn bơh he dê tàm broă sền gàr lơngăp lơngai tiah nhàr lơgar. Lài do, [òn mìng geh 100 hìu bơnhă lơm mơya tu\ do kung geh nđờ rhiang hìu bơnhă sơl, den tàng ờ tơl ù lơh sa. A` kung kơno yal sơl gùng dà tam gơl 8 rbô lồ brê ờ geh chi chi gơ gơs ù lơh broă sa sươn sre bơh tơnau dơng dà Ia Mơr dê, den kung Đảng mờ Dà lơgar sền gròi dong kờl, ai tơl ală bơta ai làng bol [òn ơruh pơnu jòi broă lơh lài do mờ tu\ do in là [òn Ring geh ngui bă ù hơ\ nàng làng bol gơtùi lơh sa, nàng tơn jơh jơgloh tơrmù r[ah.
Kung digơlan 8 rbô lồ brê ờ huan geh chi che do ờ gơtùi tam gơl gơ gơs ù lơh broă sa sươn sre dilah ờ lơh geh ală jơnau bè sền swì bơta gơrềng tus tiah ơm kis mờ ală broă geh gơrềng bal ndai. Halà tàm 8 rbô lồ do mìng gơtùi tam gơl geh dùl bơnah dềt gơ gơs ù lơh broă sa sươn sre den kung ndrờm bal mờ broă pơhì pơhà dà tuh bơh tơnau dơng dà Ia Mơr mơkung ndrờm bal mờ broă pơhì pơhà 3 rbô tơmàn priă lơh tơnau dơng dà dờng ngan do. Bè hơ\, kơnòl bơh Bộ Nông nghiệp mờ Phát triển Nông thôn dê geh sền swì bè lơi tu\ neh ki\ rơndăp broă lơh mờ lời gơlik geh jơnau geh ngan ờ gơtùi tă bơsong geh do!
Cau cih Công Bắc mờ Lê Binh- Cau mblàng Lơ Mu K’Yến
Dilah làng bol mờ gơ\p bơyô kờ` pờ sền jơnau cih dơ\ sơnrờp mờ dơ\ bàr dan pờ jăt gùng do:
Viết bình luận