VOV4.K’ho- Lơh bè lơi nàng ngui geh cồng nha bă ù lơh broă sa sươn sre bal mờ uă ngan là ù pơrhê bazan là broă kuơmàng ngan rlau jơh tàm gùng dà bơtàu tơnguh lơh sa- mpồl bơtiàn bơh tiah Tây Nguyên dê tu\ do. Nàng bơsong geh broă kal ke do den kờ` pal geh dùl jơnau yal kơlôi sơơng wil tơl, jak chài sền swì geh bơta geh ngan gah tam phan tàm ală càr Tây Nguyên dê tu\ do.
Bơh hơ\, lơh rơndăp broă lơh mờ lam lơh rơndăp tăp sèng wơl chi tam tàm jơh ală bă ù lơh broă sa sươn sre bơh Tây Nguyên dê gơ jăt bal măy mok lơh gơlik phan mờ tăc mờ lơgar ndai. Jơnau cih dơ\ pe bơh dùl ròt ròt jơnau cih sơnđan măt “ Gùng dà ngui geh cồng nha bă ù pơrhê bazan dờng ơning ơnàng tàm Tây Nguyên dê” bal mờ sơnđan măt: Rơnăp tăp sèng wơl tờm chi tam, gơ jăt bal mờ măy mok lơh gơlik phan.
Càr Gia Lai tu\ do geh 100 rbô lồ tờm kau su bal mờ priă cồng lơh geh tàm nam 2018 pơgăp 3 tơlak đong tàm dùl lồ. Pal đơs ngan là, cồng nha ngui ù bè hơ\ là ờ uă ngan. Ồng Võ Ngọc Thành Chủ tịch Ủy ban Nhân dân càr Gia Lai pà gi\t, tàm ù tiah càr Gia Lai dê neh geh bàr pe mpồl lơh sa kă bro lơh gơlik phan mờ tăc biăp, bùm kơnuh mờ plai chi mờ lơgar ndai pơgồp bal mờ cau lơh broă sa lơh gơlik tiah tam phan tơrgùm bal bơh sơnrờp gơcèng wơl cồng nha lơh sa uă ngan. Mờ do gơtùi sền là gùng lòt pa, ngui geh cồng nha rlau bă ù lơh broă sa sươn sre tàm Gia Lai. Ồng Võ Ngọc Thành, đơs: Tơl lồ ù tam prìt sơkò, tam plai thanh long gơ ai priă cồng pơgăp bơh 150 tơlak tus 200 tơlak đong pah nam. Gơ jăt bal mờ măy mok lơh gơlik phan mờ tăc hờ lơgar cau den là bơta dong kờl uă ngan ai drà kă bro in. Tu\ do, công ty Đồng Giao geh drà tăc hờ lơgar ndai uă ngan gơguh tus 51 lơgar tàm dunia, geh bal ală drà kal ke ngan bè Bỉ, Nhờk, Israel mờ Hàn Quốc…
Ồng Nguyễn Văn Tiến, Kuang ătbồ Vụ Lơh broă sa mờ Bơtàu tơnguh {òn lơgar gơ wèt Ban Lơh sa dà lơgar đơs bè do: drà kau su kal ke geh ală bơta tam gơl dờng tàm tơngai mờr tus. Tàm tu\ hơ\, gam geh uă tờm chi tam sơrlèt rlau uă bè cồng nha. Den tàng bè hơ\, ală càr Tây Nguyên pal kờp sền wơl mờ rơndăp tăp sèng wơl gah lơh kau su, ai lài ală tiah geh tơl dà tuh nàng tam gơl tus tam wơl ală tờm chi tam ndai jăt jơnau kờ` bơh drà kă bro dê. Ồng Nguyễn Văn Tiến, đơs bè do: Ală bă kau su tàm ală tu\ tam pa wơl mờ geh tơl dà tuh, geh tơl bơta nàng bơtàu tơnguh ală tiah lơh sa mờ măy mok den kung dan kờp sền wơl nàng tơnguh uă cồng nha ngui ù. Uă tờm chi tam tu\ do gơ ai cồng nha mờ priă lơh geh tàm dùl lồ bơh 400 tơlak tus 500 tơlak đong den tam chi sa plai, biăp, bùm, kơnuh gam geh ală bă chi tam ndai pơnyơu bè sầu riêng, tàm tơngai tăc gơguh priă uă ngan den dùl lồ lơh geh tus 1 tơmàn 500 tơlak đong tus 2 tơmàn đong tơn. Hơ\ là ală broă pal sền swì mờ geh bal rơndăp ù tiah ai tam ai [òn lơgar pa in,tiah drà in gơ jăt bal mờ bơ\t bơtàu ală tiah lơh sa mờ măy mok.
Ngui bơta jak chài măy mok, gơhòi gơ jà bơcri priă, crơng gơs ală tiah lơh broă sa sươn sre công nghệ cao gơ jăt mờ măy mok lơh gơlik phan là gùng dà ờ gơtùi ờ geh tàm tơngai tu\ do. Ồng Bùi Quang Tuấn, Kuang ătbồ Viện Lơh sa lơgar Việt Nam dê gơ wèt Viện Hàn lâm Khoa học Xã hội Việt Nam dê đơs, tiah Tây Nguyên gơtùi lơm nàng bơtàu tơnguh lơh broă sa sươn sre ngui công nghệ cao jăt tàm ală bơta [ươn bè bă ù dờng, tơrgùm bal gam geh tu\ do nàng lơh gơlik ală phan bơna geh bơta niam uă, geh priă tăc gơguh uă rlau.
Lơh sa sươn sre gơ jăt bal mờ măy mok lơh gơlik phan là gùng dà dipal ngan, hơ pơrgon ai cau lơh broă sa in ờ gơtìp gơ ơm tàm bơta lơh gơlik uă rlau mờ jơnau kờ` ngui sa tàm drà, tăc ờ yòm. Ồng Đinh Gia Nghĩa, Phó Kuang ătbồ dờng Tập đoàn Đồng Giao pà gi\t, tu\ do Tập đoàn gam pơgồp bal mờ cau lơh broă sa tam ală tờm biăp, bùm, kơnuh, plai chi jăt broă rơndăp lơh, ki\ sră pơrgon blơi jơh phan lơh geh bal mờ jơnau hơ pơrgon priă tăc bơh sơnrờp tơn.
Jăt broă rơndăp lơh, Tập đoàn Đồng Giao kờ` lơh tai ală hìu măy lơh gơlik biăp, bùm, kơnuh, plai chi tàm Tây Nguyên nàng tơnguh uă priă jền ală phan bơna lơh geh bơh sươn sre tàm kơnhoàl ù tiah do. Ồng Đinh Gia Nghĩa, đơs bè do: Bol a` đơs, tàm tơngai tus, tàm 5 tus 10 nam tai, Tây Nguyên geh gơ gơs là tiah tam tơrgùm bal biăp, bùm, kơnuh, plai chi dờng bơh gùt lơgar dê. Ngan là ală tờm plai màk, bơ, prìt sơkò, prìt…Gùng dà bơtàu tơnguh là tàm 1 tus 2 nam tus, bol a` geh lơh tai bơh 1 tus 2 nơm hìu măy tàm Tây Nguyên bal mờ pràn lơh gơlik pơgăp bơh 150 rbô tus 200 rbô tấn dùl nam.
Ồng Lê Quốc Doanh, Thứ trưởng Bộ Nông nghiệp mờ Phát triển Nông thôn pà gi\t, tơngai rềp ndo, Việt Nam neh ki\ hơ geh uă hiệp định kă bro khat gơboh mờ ală lơgar tàm dunia. Dilah ală phan bơna lơh geh bơh sươn sre neh lơh gơlik gơs phan lơh di jơnau sồr, lơh geh tơl khà bè bơta niam den geh cèng wơl cồng nha lơh sa uă ngan ai jơh dùl ròt anih lơh gơlik phan lơh broă sa sươn sre in. Ồng Lê Quốc Doanh, đơs bè do:
Tơngai pa do bal mờ bơta lơh ngan uă ngan bơh Chính phủ, ală bộ, ală gah dê den tàng bol he neh ki\ geh uă ngan hiệp định kă bro khat gơboh, kuơmàng là phan lơh geh bơh sươn sre tàm hơ\ geh tiêu. Bol he pal gi\t ngui tu\ jiơ niam bơh broă lơh tơl khà rlau nàng lơh di ală jơnau sồr bơh ală lơgar blơi phan dê.
Nàng lơh geh ală bơta pa đơs dùl bă niam bơne\, jak chài, pơlam gùng di, ngui geh cồng nha bă ù lơh broă sa sươn sre tàm Tây Nguyên, ồng Vương Đình Huệ Phó Thủ tướng Chính phủ đơs là, Bộ Nông nghiệp mờ Phát triển Nông thôn pal pơgồp bal mờ ală càr Tây Nguyên kơlôi sơnơng dan rơndăp tăp sèng wơl tờm chi tam gơ jăt bal mờ lơh broă sa sươn sre công nghệ cao, lơh gơlik phan mờ jơnau kờ` bơh drà kă bro tàm lơgar kung bè dunia dê.
Ồng Vương Đình Huệ đơs: Tây Nguyên đơs bal, ală nam rềp ndo priă tăc ală bơta phan lơh gơs bơh sươn sre gơmù uă ngan, gơmù sùm tàm tu\ tơngai jo\ jòng bơh kau su, gar tiêu mờ geh bal kơphê tai den tàng dilah ờ rơndăp tăp sèng wơl den là kal ke ngan. Pal geh dùl jơnau kơlôi sơnơng jơnau dan dờng ngan nàng rơndăp tăp sèng wơl dùl bă pràn kơldang tam phan bơh Tây Nguyên dê. Den ală jơnau bè tam gơl ù do, ù ne, chi tam do chi tam ne gơtùi bơsong geh dùl bă niam ngan.
Mơya, nàng broă rơndăp tăp sèng wơl tờm chi tam tàm Tây Nguyên lơh geh cồng nha, bơta lơh bal tàm ală anih lơh gơlik phan bơh lơh broă sa sươn sre pal geh bơta pơgồp bal niam bal mờ gơnoar broă đơng pơlam bơh Dà lơgar dê.
Cau cih Lê Bình- Cau mblàng Lơ Mu K’Yến
Làng bol mờ gơ\p bơyô kờ` pờ mờ sền jơnau cih dơ\ dùl mờ jơnau cih dơ\ bàr dan pờ jăt gùng do:
Viết bình luận