Nam 2024, Ủy ƀan Dà lơgar bè cau Việt Nam kis tàm lơgar ndai pơgồp bal mờ Ủy ƀan Ñân zân ƀòn dờng Hồ Chí Minh bơyai lơh broă lơh “nam pa ƀòn lơgar tờm” mờ bơta tus bal bơh pơgap 3 rơbô nă năc jà. Broă lơh geh bơyai lơh bơh ngai 01/02 tus ngai 02/02 nam 2024 ( hơ̆ là ngai 22 mờ 23 nhai 12 nam Quý Mão) mờ uă ngan tơngume lila.

Tàm tơngume broă lơh “Nam pa ƀòn lơgar” nam 2024, Củ tịc lơgar Võ Văn Thưởng mờ pơ ùr đơng lam bàr pe broă lơh geh kwơ bal mờ làng bol kis tàm lơgar ndai gùt lơgar dê. Ngan là, Ủy ƀan Ñân zân ƀòn dờng Hồ Chí Minh đơng lam bơyai lơh tìp mat pơgap 1 rơbô nă cau kis tàm lơgar ndai “Gờm chờ nam pa Giáp Thìn 2024”, lùp còp gờm chờ sa tềp làng bol, gờm chờ nam pa bơtòm bal mờ sa tềp tơrgùm bal; bơh hơ̆ yal mờ làng bol kis tàm lơgar ndai in ală cồng nha bơtàu tơnguh bơh ƀòn dờng Hồ Chí Minh dê bơh 35 nam tam gơl pa mờ bơtàu tơnguh.