Jăt jơnau yal, tus tŭ do, càr Cà Mau geh 7 broă jàu lơh geh mờ sơrlèt jơh gùt tơngai lơh broă bơh nam 2020- 2025 mờ yal lài tus jơh tơngai lơh broă rơ̆p geh 15 tàm 17 broă jàu lơh geh mờ sơrlèt broă rơndăp lơh. Tŭ do rơndăp tăp sèng lơh sa bơh càr dê tam gơl jăt di gùng, Cà Mau lam bồ gùt lơgar bè priă lơh geh bơh tăc mờ lơgar ndai bơta phan kati. Jơh gùt càr geh 64 xã geh tơl broă jàu ƀòn lơgar pa. Đơs pơndŭt dơ̆ lơh broă, Tổng Ƀí thư ồng Tô Lâm đơs niam ngan lơh ngan pơnđơl mờ ală cồng nha, broă lơh geh mờ Đảng ƀộ, gơnoar ătbồ mờ làng bol càr Cà Mau neh lơh geh tàm tơngai do.

Tổng Ƀí thư kung sồr càr Cà Mau pơn jăt tai lơh mhar tă bơsong bơta gơkòl, bơta gơ kơryan ai bơtàu tơngguh in; ai làng bol, mpồl lơh sa kă bro lơh anih tờm, hòi tơrgùm mờ ai tơl bơta pràn bơh tàm dơlam mờ đah bơdìh ai bơtàu tơngguh lơh sa- mpồl bơtiàn in; tơrgùm lơh tam gơl wơl sră nggal gơnoar ătbồ mờ tam gơl sồ ndrờm bal, tơl làm tàm tiah dà lơgar mờ tiah làng bol, lơh niam wơl pràn kơldang tiah bơcri priă, kă bro.