Kông ty TNHH MTV Kơphê 15, gơwèt Quân khu 5 tŭ do gam sơng ka sền gàr rlau 820 lồ kơphê mờ 130 lồ kao su. Kờp jơh priă lơh geh nam do dê geh pơgăp 150 tơmàn đong, rài kis cau lơh broă neh geh uă tam gơl, priă lơh geh kờp bal pah nhai tơl nă cau lơh geh 9 tơlak 200 rơbô đông.

Bal mờ kơnòl broă lơh sa, Kông ty gam tus bal pơlam tàp, crăp rcang tam lơh; rcang lài kơryan pleh trồ tiah lơh aniai,  jòi dong kờl rềs àr mờ rcang lài kơryan kòp; jơh nùs dong kờl làng bol jơi bơtiàn dồ ết nă cau tàm tiah rơndăp broă lơh tơrmù rƀah kơ̆ kơl jăp; sơm bat tê bal bơt bơtàu ƀòn lơgar pa tàm ù tiah lơh pôs đồng. Tàm dơ̆ lơh broă, Phó Củ tịc Quôk hội, Thượng tướng ồng Trần Quang Phương sồr Kông ty pơn jat tai sền gĭt loh gùng lòt bơtàu tơnguh tàm tơngai pa; lơh niam rlau tai broă lơh bơt bơtàu Đảng, bơt bơtàu mpồl ling kơ̆ kơl jăp tơl làm “lam lài pơn rơ jak”, lơh niam broă lơh hòi jà làng bol, sơm bat tê bal bơt bơtàu ù tiah kwơ màng tàm tiah tàm gùl lơgar mờ Tây Nguyên dê.