Mho ngai 12/11, tàm ƀòn dờng Pleiku, Tỉñ ủy càr Gia Lai mờ Họk viện Cíñ trị Dà lơgar Hồ Chí Minh bơyai lơh cribơyai jak chài bơtàu tơnguh kơ̆ kơl jap lòt nhơl niam chài mờ lòt nhơl ƀòn brê bơnơm kơ̆ kơl jăp tàm tiah Tây Nguyên tàm tơngai bè tŭ do. Tàm do, 50 jơnau cih đơs bơh ală cau jak chài, cau atbồ, mpồl lơh sa kă bro lòt nhơl neh geh ală jơnau đơs tă pơgồp kwơ màng bè kơlôi sơnơng mờ bơta geh ngan bè lòt nhơl Tây Nguyên.

Tàm dơ̆ cribơyai, ală cau mờng chài lơh broă, ală cau jak chài tơrgùm yal, cribơyai bè ală broă bè nùs nhơm bè bơtàu tơnguh kơ̆ kơl jăp lòt nhơl niam chài mờ lòt nhơl ƀòn brê bơnơm; Bơta ƀuơn, bơta pràn mờ ngui ală bơta pràn ai bơtàu tơnguh lòt nhơl niam chài mờ lòt nhơl ƀòn brê bơnơm tàm tiah Tây Nguyên dê; lơh nền phan bơna mờ lơh bal hòi jà yal tơngĭt nàng kờñ bơtàu tơnguh kơ̆ kơl jap lòt nhơl tàm tiah Tây Nguyên dê; Tŭ tơngai niam mờ bơta lòng bal mờ ală broă geh ai tơlik tàm broă bơtàu tơnguh kơ̆ kơl jap lòt nhơl niam chài mờ lòt nhơl ƀòn brê bơnơm tàm tiah Tây Nguyên tàm tơngai bè tŭ do; Pơlam gùng dà, broă lơh bơtàu tơnguh kơ̆ kơl jăp lòt nhơl niam chài, lòt nhơl ƀòn brê bơnơm tàm tiah Tây Nguyên.... Ală cau cih jơnau, cau kơlôi sơnơng, cau atbồ kung tă pơgồp uă jơnau đơs, jơnau dan broă lơh bè lơh pràn mblàng yal, yờ tơnguh uă bơta gĭt wă bơh mpồl bơtiàn làng bol dê bè bơtàu tơnguh kơ̆ kơl jăp lòt nhơl niam chài, lòt nhơl ƀòn brê bơnơm; lơh sir gùng dà broă lơh, broă dong kờl, lơh geh bơta gơn kơnờm lơh jat niam gơnoar broă mpồl bơtiàn làng bol dê tàm broă bơtàu tơnguh lòt nhơl kơ̆ kơl jăp pơgồp bal mờ prap gàr mờ ngui niam ală bơta kwơ niam chài ù tiah dê, bơt bơtàu ƀòn lơgar pa.