Jat jơnau yal, 6 nhai bồ nam do, Ƀan Tuyên giáo ală kâp neh rơcang lài tam gơl pa, bơceh lơh tàm broă lơh tă pơgồp jơnau đơs mờ Ƀộ Cíñ trị, Ƀan Ƀí thư, kâp ủy ală kâp, bơyai lơh, lam lơh ală kơnòl broă tờm tàm broă lơh bơt bơtàu Đảng, kơ̆ dơn rơcang sơndră sa kuề sa kuà, broă ờ niam, pơgồp bơnah bơt bơtàu Đảng sàng goh, pràn kơldang, kơ̆ kơljap.

Đơs tàm pơrjum, Kwang atbồ Ƀan Tuyên giáo dà lơgar ồng Nguyẽn Trọng Nghĩa đơs sùm 2, 3 kơnòl broă tờm bơh gah Tuyên giáo dê 6 nhai lồi nam 2023. Jat hơ̆, pơn jat tai lam lơh jat geh cồng nha, gàr bơta niam ală Rơndap broă lơh sền wơl, tơl jơh yal Ƀộ Cíñ trị, Ƀan Ƀí thư in, pơn jat tai sơlơ tơnguh broă lơh mblàng yal, lơh gơlik bơta gơ rề dờng, bơta ring bal tàm jơh gùt Đảng, gùt làng bol, gùt ling klàng; pơn jat tai pơn đơl pràn lơh gơs gơtùi ală jơnau kờñ, kơnòl broă neh ai tơlik ai jơh gùt tơngai lơh broă khoă XIII in.