Tàm dơ̆ tìp, Thủ tướng ồng Phạm Minh Chính tơngŏ bơta ưn ngài nùs nhơm mờ bơta kờñ uă ngan bơh Kwang atbồ lơgar Mỹ ồng Joe Biden dê gơwèt mờ bơta bơtàu tơnguh bơta gĭt gơ̆p đah Việt Nam mờ Mỹ mờ kơ̆p kờñ là tàm tơngai tus, bulah tàm gơnoar broă lơi, Kwang atbồ lơgar Mỹ ồng Joe Biden kung rơ̆p pơn jat tai kờñ mờ tă pơgồp ngan ngồn ai bơta gĭt gơ̆p đah 2 gah in.

Chờ hờp geh tìp wơl Thủ tướng Cíñ phủ ồng Phạm Minh Chính, Kwang atbồ lơgar Mỹ ồng Joe Biden đơs nền Thủ tướng Cíñ phủ là dùl nă cau bơyô niam bơh lơgar Mỹ dê. Kwang atbồ lơgar Mỹ ồng Joe Biden tơngŏ bơta chờ hờp tŭ gŏ, tàm tơngai lơh broă bơh he dê, 2 lơgar neh tơnguh bơta gĭt gơ̆p tus Lơh broă bal kwơ màng tơl làm mờ đơs nền sùm kờñ ai bơta gĭt gơ̆p đah Mỹ mờ Việt Nam sùm bơtàu tơnguh. Kung tàm dơ̆ pơrjum sơl, Thủ tướng Cíñ phủ ồng Phạm Minh Chính neh geh uă dơ̆ cribơyai song dơ pă, jơh nùs mờ kwang đơng lam bồ ală lơgar Malaysia, Anh, Italia, Thổ Nhĩ Kỳ, Bồ Đào Nha, Mehico, Nam Phi, Angola, Tanzania, Qatar mờ Saudi Arabia.