Jơnau đơs pơndŭt dơ̆ lơh broă, Tổng Ƀí thư ồng Tô Lâm jờng rơ ală cồng nha pơnrơ mờ Mpồl Hòi jà làng bol Dà lơgar neh lơh geh bơh bồ tơngai lơh broă tus tŭ do mơkung đơs loh, tờm ngan rlau bơh broă lơh hòi jà làng bol dê lơh geh nùs nhơm rơcăng lài tàm làng bol pràn kơldang kơ̆ kơl jăp.

Tổng Ƀí thư sồr tơngai tus pal ring bal bè bơta kwơmàng is ồn mờ sồr tam gơl pa pràn kơldang broă lơh hòi jà làng bol ndrờm pal mờ kơnòl broă tàm tŭ tơngai kăc màng pa nàng kờñ hòi tơrgùm bơta pràn jak ngan rlau jơh bơh làng bol dê, ai Dà lơgar kơnhăp cơnđoà jơng lòt mŭt tàm rài pa, rài brồ să bơh jơi bơtiàn dê bal mờ jơnau kờñ dờng ngan rlau jơh là broă lơh hòi jà làng bol tàm tơngai pa là tài bơh làng bol cèng wơl cồng nha geh kwơ ngan ngồn ai làng bol in, bơsong jơnau kờñ, bơta kơ̆p kờñ dipal ngan bơh làng bol dê, ơn bơta kwơ di mờ kơrnoăt boh lam, dipal ngan bơh làng bol dê hơđăng rlau jơh, lài jơh, mùl màl ki ngàm, lơh jăt niam gơnoar lơh tờm làng bol dê, lơh kơ̆ kơl jăp tàm klăc đềt mềr đah Đảng, Dà lơgar mờ Làng bol.