Ngai 18/11, Củ tịc Quôk hội ồng Trần Thanh Mẫn neh kĭ Jơnau lơh nền tàm pơrjum sồ 1297 bơh Anih duh broă Lơh kơnòl broă sùm Quôk hội dê lơh Mpồl Sồr lơh bè tơn jơh broă lơh jăt Jơnau lơh nền tàm pơrjum sồ 18 ngai 25/10/2017 bơh Mpồl Duh broă Đảng Dà lơgar khoă XII dê- Bàr pe broă bè pơn jăt tai tam gơl pa, rơndăp tăp sèng mpồl kwang bàng lơh broă bơh ală anih lơh broă cíñ trị dê lời wơl dồ êt nă, lơh broă gơtùi mờ geh cồng nha tàm ală anih lơh broă Quôk hội dê, anih lơh broă gơ wèt Anih duh broă Lơh kơnòl broă sùm Quôk hội, Cơldŭ lơh broă Quôk hội dê.

Củ tịc Quôk hội ồng Trần Thanh Mẫn lơh Kwang ătbồ Mpồl Sồr lơh tơn jơh bè lơh jăt Jơnau lơh nền tàm pơrjum sồ 18 tàm ală anih lơh broă Quôk hội dê. Mpồl sồr lơh jàu kơnòl broă ai kwang bàng tàm Mpồl Sồr lơh in mờ lơh ai lơh jăt jơnau pal jăt lơh broă, broă rơndăp lơh lam lơh jăt. Tàm hơ̆, jàu Mpồl Lơh broă cau ala măt in là Anih lơh broă Duh broă sùm bơh Mpồl Sồr lơh dê, ală kwang bàng tàm Mpồl Sồr lơh lơh jăt kơnòl broă jăt bơta jàu broă bơh Kwang ătbồ Mpồl Sồr lơh dê; dong broă Mpồl Sồr lơh in geh Mpồl Sền swì jơnau cih bơh Mpồl Sồr lơh dê lơh nền tơnggơs. Mpồl Sồr lơh geh ngui ƀăng kị bơh Anih duh broă Lơh kơnòl broă sùm Quôk hội dê nàng drơng broă lơh broă; Mpồl Sồr lơh lơh broă jăt bơta lơh bal tai kơnòl broă.