Đơs tàm Cribơyai, Thủ tướng ồng Phạm Minh Chính pà gĭt, pa geh dơ̆ tìp mat kấp dờng geh cồng nha ngan mờ Kwang atbồ lơgar Brazil ồng Luiz Inácio Lula da Silva, 2 gah neh ring bal tơnguh bơta gĭt gơ̆p 2 lơgar gơguh tus Lơh broă bal kwơ màng. 

Thủ tướng pà gĭt, Việt Nam pơlam gùng dà gơ hòi gơ jà bơcri priă geh rơ wah ală rơndăp broă lơh măi mok pa, geh priă lơh geh gơguh tai, geh bơta gơ rề uă, tàm tơrbŏ bal mờ mpồl lơh sa kă bro tàm lơgar; lơh lài ală rơndăp broă lơh gơwèt ală gah, gah  broă jak chài măi mok, tam gơl pa bơceh lơh. Thủ tướng đơs là 2 gah pal sơlơ tơnguh tai gờñ sơnđờm lơh dơ̆ cribơyai jơnau hơ nền kă bro phan khat gơboh đah Việt Nam mờ Mpồl drà kă bro bal tiah đah Jum câu Mỹ dê, jơnau hơ nền pơn jờng mờ sền gàr dong kờl bơcri priă, jơnau hơ nền bè ai lòt rê mờ Brazil sền sơ wì dờp broă lơh lơh sa drà kă bro bơh lơgar Việt Nam dê. Thủ tướng sồr ală mpồl lơh sa kă bro kờñ nàng lơh geh tiah bơcri priă niam, ƀuơn, ngui niam uă ngan bơta ƀuơn, bơta pràn dê.