Đơs tàm dơ̆ cri bơyai, Thủ tướng Cíñ phủ ồng Phạm Minh Chính hòi jà ală lơgar pal geh broă lơh ngan cíñ trị uă rơlao tai, bơta pràn priă jền uă rơlao tai, tài tơn jơh jơgloh tơmù rơƀah ờ mìng geh kwơ màng gơwèt mờ kòn bơnus dê, mờ gam là dùl tàm ală bơta tờm kwơ màng ngan, lơh gơrềng tơn tus mờ broă gàr bơta ring lơngai, lơngăp lơngai, kơ̆ kơl jăp tàm gùt plai ù.

Thủ tướng tơlik jơnau đơs bơh Củ tịc Hồ Chí Minh dê, “Tam klăc là bơta pràn ngan”, mờ tàm nùs hơ̆ ai tơngŏ lơgar Việt Nam hơ geh tơnguh nùs nhơm uă lơgar, tam klăc ală lơgar nền nòn, pơgồp bal niam, geh cồng nha tàm broă lơh ngan bal bơ̆t bơtàu dunia ờ gam jơgloh rơƀah jŏ jòng, dùl dunia kơ̆ kơl jăp.