Sơnđờm mŭt pơrjum, Tổng Ƀí thư ồng Tô Lâm pà gĭt, broă lơh jăt Jơnau lơh nền tàm pơrjum sồ 18 tơngai do neh lơh geh ală cồng nha bơh sơnrờp, bulah bè hơ̆ broă rơndăp tăp sèng mpồl kwang bàng lơh broă ờ hềt ndrờm bal, ờ hềt tơrgùm jơh, ală mpồl kwang bàng lơh broă bơh ală anih lơh broă cíñ trị dê kung gam sơl kơn jơ̆ kơn jŭt uă tăp uă cờn, uă anih, gơnoar broă, kơnòl broă gam tàm rơndăp tăp tàm rơndồl, gam ring bal, ờ hềt loh làng, jàu kâp, jàu gơnoar ờ hềt ndrờm bal, lơh broă gơtùi mờ cồng nha lơh broă ờ hềt uă.

Tổng Ƀí thư đơs wih đơs wơl, broă tam gơl rơndăp tăp sèng mpồl kwang bàng lơh broă bơh ală anih lơh broă cíñ trị lời wơl dồ êt nă cau, rơndăp, pràn, lơh broă geh cồng nha, lơh gơtùi mờ geh cồng nha là jơnau gơ sồr kờñ ngan jal mhar ngan bơh bơta geh ngan tàm rài kis tŭ do dê; do kung là kơnòl broă is ồn kwơmàng geh kwang bàng đảng viên mờ làng bol kơ̆p gơn ngan dờp rò ngan bal mờ bơta dồ nùs bal pràn kơldang mờ gam lơh gơrề bơta kờñ bal dồ nùs bal tàm jơh gùt mpồl bơtiàn.