Tổng Ƀí thư ồng Tô Lâm jờng rơ uă ngan ală cồng nha mờ Mông Cổ neh lơh geh tàm tơngai pa do. Bè bơta gĭt gơ̆p đah Việt Nam mờ Mông Cổ, Tổng Ƀí thư, tơngŏ chờ hờp tềng đap ală bơtàu tơnguh tàm bơta gĭt gơ̆p đah 2 gah dê tàm 70 nam do, kờp bơh tŭ lơh bơta gĭt gơ̆p cribơyai broă mờ lơgar ndai; jờng rơ uă ngan broă 2 gah bơyai lơh pơrjum dơ̆ 19 Anih duh broă 2 Cíñ phủ Việt Nam mờ Mông Cổ.

Broă lơh do geh gơtha kwơ màng tàm broă lơh jat bơta gĭt wă bal kwang bàng kấp dờng mờ jơnau yal bơr bal bè broă lơh bơta gĭt gơ̆p lơh broă bal tơl làm Việt Nam mờ Mông Cổ. Tổng Ƀí thư ồng Tô Lâm sồr jat tàm ală bơta bơh bơta gĭt gơ̆p đah 2 gah dê, 2 gah sơlơ tơnguh tai bơta gĭt gơ̆p cíñ trị, lơngăp lơngai, sền gàr Dà lơgar, lơh sa- kă bro phan, niam chài, lòt nhơl, tìp mat lơh kwèng làng bol; sơlơ tơnguh tai lơh broă bal mut lơh broă ngan ngồn, geh cồng nha, tàm  ală gah di pal mờ bơta ƀuơn, bơta pràn bơh tơl lơgar dê.