Bơh bồ nam tus tŭ do, Đảng ủy, Gah đơng lam bồ Ƀiñ đoàn 15 neh tơrgùm đơng lam, sồr Ƀiñ đoàn 15 lơh gơs niam kơnòl broă bơt bơtàu mpồl lơh broă kơ̆ kơljap, rpàn kơldang tơl làm. Ală mpồl lơh broă gơ wèt Ƀiñ đoàn lam lơh niam ală broă lơh đơng lam mpồl lơh sa kă bro, đơng lam priă jền, tơrmù priă tă lơh, tơnguh cồng nha lơh broă; pồ tơl mpồl lơh broă, cau lơh broă sa priă nhai jat gùng dà tơrmù lơyah. Kơnờm bè hơ̆ bulah giă bơ sơt kau su ờ jơnhua, mơya Ƀiñ đoàn kung gam gàr priă lơh geh kờp bal 7 tơlak 300 rbô đông dùl nă cau pah nhai ai cau lơh phan in.

Bơh bồ nam tus tŭ do, Ƀiñ đoàn rơ wah pa rlau 2 rbô 400 nă cau lơh phan, tàm hơ̆ geh rlau 97% là cau jơi bơtiàn dồ êt nă cau. Bal mờ hơ̆, Ƀiñ đoàn kung dong ală tiah lơh pa 600 jrong đèng năng lượng mat tơngai sò àng 20 kơi sồ gùng tàm 10 ƀòn, lam lơh kham kòp, pà sơnơm ai hìu bơnhă cau geh màng mờ dà lơgar, hìu bơnhă geh sră dong kờl bơh dà lơgar tàm ală ngai chờ, ngai sa tềp