Nam 2018, Ƀiñ đoàn 15 mờ Mpồl đơng lam bơt bơtàu cíñ trị kâp hơ đơm mờ bơtàu tơnguh ƀòn lơgar tơl làm (Ƀộ Quôk phòng Lào) bơyai lơh kĭ sră cih kah lơh broă bal dờp lơh oh mi. Bàr mpồl neh tàm pơgồp bal bơyai lơh uă broă lơh lòt sền, bơsram, cribơyai mờng chài bè ală broă lơh sa suơn sre- brê bơnơm, bơto bơtê mờ bơsram, lơh sơnơm gơ jat bal mờ sền gàr dà lơgar, sền gàr lơngăp lơngai; pơgồp bal lòt sền ală bơta geh ngan tàm càr Xay Sổm-bun mờ càr Xiêng-Khoảng lơh bơnàng jă dong lơgar Lào lam lơh ală rơndap broă lơh; Ƀiñ đoàn 15 dong kờl jơh nùs ngan broă lơh dong kờl rềs àr, ntrờn git nđờ rhiang hìu bơnhă làng bol tàm tiah lam lơh rơndap broă tus tiah lơngăp lơngai; pơgồp bal lam lơh kham sơm kòp, pà sơnơm ờ sa priă ai git nđờ rbô dơ̆ cau in. Cih dờp bơta tă pơgồp, Ƀộ Quôk phòng lơgar Lào neh jàu pà Bồng bi pha lin mờ Huân cương khin cha jak chài khà II, khà III ai ală mpồl bal, cau dồ nă să bơh Ƀiñ đoàn 15 dê in.