Ƀộ Giao thông Vận tải sồr bơsong bơta ờ ring lơngai lòt rê tàm gùng tŭ lam lơh lơh niam wơl gùng dờng 19
Thứ năm, 10:54, 23/02/2023
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - Ngai 21/02, Cơldŭ atbồ gùng lòt ù gờl III.4 (Ƀộ Giao thông Vận tải) geh sră nggal pơyua Mpồl atbồ rơndap broă lơh sồ 2 – là cau tờm bơcri priă Rơndap broă lơh sơlơ tàm tơrbŏ gùng lòt tiah Tây Nguyên sồr ală cau tờm lơh rơndap broă pal gàr ring lơngai lòt rê tàm gùng tŭ lam lơh rơndap broă lòt gan 2 càr Gia Lai mờ Bình Định.
Mùl màl, Cơldŭ atbồ gùng lòt ù gờl III.4- Tiah atbồ gùng lòt ù gờl sồ 3 sồr Mpồl atbồ rơndap broă lơh sồ 2 (là cau tờm bơcri priă) sồr ală cau lơh rơndap broă tàm gùng dờng 19 sền sơ wì, lơh niam ală anih gơ plồ, tơrlah, nchùn, 2, 3 gơl gùng lam lơh ờ geh jrong tồt lơh aniai tus ring lơngai lòt rê tàm gùng. Tơngai lơh niam wơl lài mờ ngai 28/02 do mờ geh sră nggal, rùp hin yal khà broă lam lơh.
Rơndap broă lơh Sơlơ tơnguh bơta tàm tơrbŏ gùng lòt tiah Tây Nguyên geh sơn đờm lam lơh tàm nhai 9 nam 2021, jòng 143 kơi sồ lòt gan 2 càr Gia Lai (126 kơi sồ) mờ Bình Định (126 kơi sồ), geh kờp jơh priă tă lơh mờr 3 rbô 600 tơmàn đông. Tơngai kờp dŭ lơh gơs là nhai 12 nam do.
Viết bình luận