Đơs tàm Dơ̆ sơnđờm mut lơh rơndăp broă lơh Hìu bơsram kấp 1 Cẩm Thạch, Thủ tướng ồng Phạm Minh Chính đơs loh do là broă lơh geh kwơ nùs nhơm niam jrô ơnàng uă ngan; lơh ngan ngồn gùng dà broă lơh bơh Đảng mờ Dà lơgar dê, tơngŏ bơta sền gròi, nùs nhơm lơh ngan uă bơh càr Thanh Hóa mờ bơta lòt bal bơh ală mpồl lơh sa kă bro tàm broă sền gròi ai broă lơh “bơto bơtê cau”, pơgồp bơnah lơh geh bơta tam gơl loh làng, tơnguh uă cồng nha bơto bơtê bơh tiah do dê.

Thủ tướng sồr tơrgùm lơh sir broă lơh bơt bơtàu hìu bơsram lài mờ ngai 31/8/2026. Đơs sùm tàm tơngai tus, mờ nùs nhơm bơtàu tơnguh lơh sa pơgồp bal mờ lơh jat bơta gơguh jak, ring bal mpồl bơtiàn, tơrmù rƀah mờ tơnguh uă bơta niam rài kis phan bơna, nùs nhơm bơh làng bol dê; tơl cồng nha bơtàu tơnguh ndrờm wèt tus drơng broă làng bol, Thủ tướng sồr lam lơh geh cồng nha Jơnau lơh nền tàm Pơrjum bơh Pơrjum dờng Đảng gùt lơgar dơ̆ 14, Jơnau lơh nền tàm pơrjum Đảng ƀộ càr Thanh Hoá tơngai lơh broă bơh 2025 – 2030.