Kwang đơng lam bồ Ƀộ Kwang àng neh wă mờ đơng lam dơ̆ bơyai lơh pà khà jờng, pơndờm pơnđiang Mpồl lơh broă tàm ƀlàng rơneh par dunia Nội Bài tơn.

Tơnơ̆ uă ngai tàm ntoăt pơrlòng mờ tŭ tơngai nàng jòi dong kờl cau gơtìp rềs àr tàm ală gơn ru tơrlah tơrlơm, Mpồl lơh broă tus bal dong kờl rềs àr bơh Ƀộ Kwang àng Việt Nam tàm lơgar Thổ Nhĩ Kỳ neh lơh sir jak ngan kơnòl broă geh jàu; pơgồp bal mờ mpồl dong kờl rềs àr ală lơgar dong klàs geh 1 nă cau gam kis lik bơh tiah tơrlah tơrlơm; jòi, jun lik geh 14 ƀồc cau chơ̆t lik bơdìh jàu ai anih lơh broă gah lơh sơnơm tiah do in; mơkung neh jun mờr 2 tấn phan bơna măy mok gah lơh sơnơm bơh Ƀộ Kwang àng Việt Nam dê ai anih lơh broă đơng pơlam broă lơh dà lơgar Thổ Nhĩ Kỳ mờ ai Hìu sơnơm ƀòn dờng Adiyaman in. Di dơ̆ do, Ƀộ trưởng Ƀộ Kwang àng neh pà bằng khen ai 24 nă kwang bàng, cau ling in tài bơh neh lơh geh cồng nha jak ngan tàm dơ̆ lơh kơnòl broă dong kờl rềs àr tơrluh ù lơh aniai tàm lơgar Thổ Nhĩ Kỳ.