Tàm dơ̆ wă, Thứ trưởng ồng Lương Tam Quang đơs nền, Đảng, Dà lơgar Việt Nam sùm git jơnau mờ gơnoar khăt gơboh pin dờn, jăt yàng bơh ală làng bol dê, tơlik gŏ nùs nhơm pal jăt, geh sùm tàm gùng dà, broă lơh mờ geh lơh jăt kơrnoăt pal jăt mờ gùng dà adăt boh lam geh ai. Ală gah jăt yàng ndrờm lơh broă ring bal tềng đăp adăt boh lam, kis pơgồp bal, tam klăc bal, đềt mềr bal mờ jơi bơtiàn, ờ geh tam lơh jơi bơtiàn, tam lơh jăt yàng.

Thứ trưởng ồng Lương Tam Quang kơ̆p kờñ ồng Đại sứ geh là cau tơrbŏ bal lơh pràn bơta git gơ̆p lơh broă bal jŏ jòng đah lơgar Việt Nam mờ lơgar Tây tơnguh bơtàu ngai sơlơ kơ̆ kơl jăp rơlao tai tàm ală gah broă, tàm hơ̆ uă ngan là ală broă lơh bal dunia tàm gah jăt yàng, kung bè dong kờl tơnguh lơh broă, broă lơh bal, tam gơl bal bơta mờng chài broă lơh đah Ƀộ Kwang àng lơgar Việt Nam mờ ală anih lơh broă lơh jăt adăt boh lam lơgar Tây dê, nàng pơgồp bal tàm broă sền gàr bơta lơngăp lơngai dà lơgar, gàr niam bơta lơngăp lơngai mpồl bơtiàn, khăt gơboh pin dờn, jăt yàng tàm tơl lơgar dê.