Drim ngai 20/02, tàm Ƀộ Quôk phòng, Tổng kụk Cíñ trị Ling klàng làng bol Việt Nam pơgồp bal mờ Hội đồng Lý luận Dà lơgar, anih lĭp sră Cíñ trị Dà lơgar Bơta ngan bơyai lơh Pơrjum khoa học bơsram lơh jat bồ tơngoh đơng lam tàm pang sră “Kràñ cê jơh nùs, jơh nùs rcang lài tam dră sa kuề, sa kuà mờ bơta ờ niam, pơgồp bơnah bơt bơtàu Đảng mờ Dà lơgar he dê ngai sơlơ sàng goh, pràn kơl dang, kơ̆ kơljap” bơh Tổng Ƀí thư ồng Nguyễn Phú Trọng dê tàm broă lơh jat geh cồng nha broă lơh ling klàng, sền gàr dà lơgar, sền gàr Dà lơgar tŭ do.

Đại tướng ồng Phan Văn Giang, Ủy viên Ƀộ Cíñ trị, Phó Ƀí thư Quân ủy Dà lơgar, Ƀộ trưởng Ƀộ Quốc phòng tus bal. Pơrjum bơyai lơh pơrjum tơn mờ pờ tơlik tơn tàm internet tàm 41 anih tàm tơrbŏ bal tàm gùt ling klàng mờ 1 rơbô 600 nă kwang bàng tus bal. Tàm dơ̆ cribơyai, ală kwang bàng neh tơrgùm lơh loh jơnau gơtha tàm sră pơ àr, bơta geh ngan bơh pang sră dê, ală broă kờñ ai jơnau bơsram bơh bơta geh ngan tàm dơ̆ rcang lài tam dră sa kuề sa kuà mờ bơta ờ niam gơwèt mờ broă lơh bơt bơtàu mờ sền gàr Dà lơgar Việt Nam xã hội củ nghĩa tŭ do mờ bơt bơtàu mpồl ling klàng kăc màng, cíñ quy, jak chài mờ pa ngan.