Nàng sơlơ tơnguh rlau tai bơta git gơp lơh broă bal đah 2 gah tàm tơngai tus, tàm dơ̆ tìp mat cribơyai broă, 2 gah neh ring bal rơp jơh nùs lam lơh ală broă lơh lơh broă bal kuơmàng mờ Hàn Quôk geh bơta pràn mờ dipal mờ jơnau kờñ bơh Ƀộ Kwang àng dê. Bơyai lơh ală broă lơh bơto pơlam, bơto bơtê tơnguh pràn jak ai Kảñ sát gùng tàm dà, Ƀộ Kwang àng Việt Nam dê in nàng lơh tờm ơhò gròi sền bơh Kảñ sát dà lềng lơgar Hàn Quôk dong kờl. Bơyai lơh cribơyai broă mpồl kwang bàng nàng git bơta geh ngan broă lơh bơh Kảñ sát dà lềng lơgar Hàn Quôk mờ Kảñ sát gùng lòt lơgar Việt Nam dê, bơh hơ̆ ai tơlik ală broă rơndap lơh lơh broă bal mùl màl nàng kờñ ai lơh broă bal 2 gah ngai sơlơ bơtàu tơnguh, dipal mờ bơta pràn lơh broă bal bơh 2 anih lơh broă dê.