Đại tướng ồng Tô Lâm, Kwang geh jơng tàm Ƀộ Cíñ trị, Ƀộ trưởng Ƀộ Kwang àng neh đơng lam dơ̆ bơyai lơh. Là dùl tàm ală ƀộ, gah broă lơh dà lơgar jơh nùs lam lài tàm broă bơt bơtàu mờ lơh sir kơrnuat boh lam, mìng kờp is bơh nhai 11 nam 2022 tus tŭ do, Ƀộ Kwang àng neh đơng lam cih gơs, yal Quôk hội in ai tơlik 2 adat boh lam; yal Quôk hội in ai tơlik 1 Nghị quyết; yal Quôk hội in sền sơ wì, ai jơnau đơs tàm pơrjum dơ̆ 5 mờ rơp sền sơ wì, ring bal tàm pơrjum dơ̆ 6 gơ wèt mờ 2 rơndap lơh adat boh lam là Adat mpồl tus bal sền gàr lơngăp lơngai, rơndap tap sèng ring lơngai tàm kâp hơ đơm mờ Adat Kăn kướk. Đơs đơng lam pơrjum, Ƀộ trưởng ồng Tô Lâm sồr Kwang àng ală tiah pơn jat tai lơh jat jơh nùs, geh cồng nha ală sră nggal sồr lơh gơ rềng tus broă lơh bơt bơtàu, lơh sir adat boh lam.