Ƀộ trưởng Ƀộ Kwang àng ồng Tô Lâm đơs nền, Việt Nam sùm sền lơgar Mỹ là dùl tàm ală lơgar tam klăc lơh broă bal kwơmàng khà dùl, pà gĭt broă rơndăp gùng dà broă lơh, lam lơh ală broă lơh, jơnau cih bơh adat boh lam lơgar Việt Nam dê lơh geh dipal mờ bơta kwơ, ală jơnau hơ pơrgon dunia mờ tơngume adat boh lam lơgar Việt Nam dê. Tàm hơ̆, broă gàr gơnoar kwơ ai cau lơh broă in pal lơh jăt di jơnau sồr bơh Mpồl Lơh broă Dunia dê; broă jun ntrờn sră nggal gan tiah nhàr lơgar pal lơh geh bơta pin dờn mờ lơngăp lơngai. Nàng lơh geh bơnàng jă, chồl tơnguh rlau tai bơta gĭt gơ̆p lơh broă bal lơh sa- kă bro- bơcri priă đah 2 lơgar tàm tơngai tus, Ƀộ trưởng ồng Tô Lâm sồr Anih lơh broă ala măt kă bro lơgar Mỹ dê pơn jăt tai lơh niam gơnoar broă là mpồl cau lơh kòn gùng kwơmàng đah Cíñ phủ 2 lơgar dê nàng sơlơ tơnguh tai bơta gĭt gơ̆p Tam klăc lơh broă bal tơl làm đah Việt Nam mờ Mỹ.