Chờ hờp wă rò Mpồl kwang bàng lòt còp, lơh broă tàm lơgar Việt Nam, Ƀộ trưởng Ƀộ Kwang àng ồng Tô Lâm jờng rơ ngan broă Anih lơh broă Kảñ sát dà lềng lơgar Hàn Quốc dong kờl ală rơndeh rơndồ lòt sền ai Ƀộ Kwang àng lơgar Việt Nam in, Ƀộ trưởng Ƀộ Kwang àng ồng Tô Lâm đơs nền, do là tềl kah kwơmàng tàm broă ai bơta gĭt gơ̆p lơh broă bal bơh 2 anih lơh broă dê gơlòt mŭt ngan ngồn tàm uă broă, geh cồng nha, dipal mờ jơnau tơl pràn, jơnau kờñ bơh 2 gah dê gơ wèt mờ ală broă sền gròi bal; lơh jăt ngan ngồn Broă lơh broă lam lơh jăt gĭt gơ̆p Tam klăc lơh broă bal jŏ jòng tơl ală bơta bơh 2 lơgar dê.

Ồng Kim Byung Ro đơs nền, Anih lơh broă Kảñ sát dà lềng lơgar Hàn Quốc rơ̆p dong kờl bơyai lơh bơto pơlam, bơto bơtê tơnguh uă bơta pràn jak ai Kảñ sát lòt rê gùng dà gơ wèt Ƀộ Kwang àng lơgar Việt Nam nàng gơtùi lơh tờm ơhò lòt sền bơh Kảñ sát dà lềng lơgar Hàn Quốc dê dong kờl.