Là hìu bơto mờ bơsram tờm bơh gah Kwang àng dê, mờ bơhiàn neh geh rơlao 77 nam bơ̆t bơtàu, bơtàu tơnguh, Hìu bơsram Họk viện Lơngăp lơngai làng bol neh geh 30 nam bơto tơnơ̆ đại họk.

Đơs tàm dơ̆ pơrjum, Ƀộ trưởng Ƀộ Kwang àng Tô Lâm sồr Họk viện pơn jăt tai lơh jăt, bơyai lơh geh cồng nha ală nùs nhơm, gùng dà broă đơng lam bơh Đảng, Dà lơgar bè tam gơl pa, tơl ală bơta bơto mờ bơsram, tàm hơ̆ geh bơto tơnơ̆ đại họk. Mờ ai loh broă bơto tơnơ̆ đại họk, pơgồp bal mờ broă rơndăp lơh, broă lơh jŏ jòng bơtàu tơnguh kwang bàng geh bơta ngăc ngar uă bơh gah Kwang àng dê nàng rơcang tam gơl pa, tơnguh uă bơta niam ală gah broă bơto, bơsram đơs bal, bơto tơnơ̆ đại họk đơs is di pal mờ jơnau kờñ bơ̆t bơtàu mpồl Kwang àng làng bol mùl màl kloh niam, pràn kơl dang, ngăc ngar, lơh pa, di pal mờ jơnau kờñ, kơnòl broă tàm bơta pa.