Nting bơr gờm chờ Đại sứ Tredene Dobson neh lơh gơs jak ngan tơngai lơh broă tàm lơgar Việt Nam, Ƀộ trưởng Tô Lâm jờng rơ ală tă pơgồp jơh nùs bơh mò Đại sứ dê tàm tơngai lơh broă pa do, bơh hơ̆ pơgồp bơnah kuơmàng ngan tàm broă sơlơ tơnguh tai bơta git gơp lơh broă bal kuơmàng đah Việt Nam mờ New Zealand đơs bal, bơta git gơp lơh broă bal đah Ƀộ Kwang àng Việt Nam mờ ală anih lơh broă lơh jat adat boh lam lơgar New Zealand. Ƀộ trưởng Tô Lâm kơp kờñ, tơngai tus, 2 gah rơp pơn jat tai sơlơ chồl pràn broă lam lơh jat geh cồng nha rlau “Jơnau ring bal lơh broă bal đah Ƀộ Kwang àng Việt Nam mờ Anih lơh broă Kảñ dà lơgar New Zealand bè rơcang sơndră cau tìs gan ù tiah dà lơgar” neh kĭ nam 2019. Kơp kờñ Đại sứ Tredene Dobson rơp pơn jat tai geh uă jơnau bơceh lơh nàng kờñ sơlơ tơnguh pràn rlau tai bơta git gơp lơh broă bal đah 2 lơgar tàm uă gah broă.