Ƀộ trưởng Ƀộ Tài cíñ Hồ Đức Phớc lơh broă bàr đah mờ ală Ƀộ trưởng Ƀộ Tài cíñ tàm Pơrjum APEC nam 2023
Thứ tư, 07:39, 15/11/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Ƀộ trưởng Ƀộ Tài cíñ Hồ Đức Phớc neh geh dơ̆ lơh broă bal mờ Ƀộ trưởng Ƀộ Kes priă lơgar Australia, Kwang ătbồ bè priă jền lơgar Nhờk mờ Ƀộ trưởng Ƀộ Tài cíñ lơgar Singapore, di tàm dơ̆ tus Pơrjum Ƀộ trưởng Ƀộ Tài cíñ mpồl APEC nam 2023 geh bơyai lơh tàm lơgar Mỹ.
Tàm dơ̆ wă Ƀộ trưởng Ƀộ Kes priă lơgar Australia Jim Chalmers, bàr Ƀộ trưởng neh cri bơyai bè Gùng dà lơh sa tiah đah jum măt tơngai lik câu Á tus nam 2040 lơgar Australia dê, lơh broă bal bè tam gơl nhơm trồ tiah mờ priă jền kơl jăp.
Jăt Ƀộ trưởng Hồ Đức Phớc đơs, Ƀộ Tài cíñ lơgar Việt Nam kơ̆p kờñ lơgar Australia sùm sền kwơ bơta git gơ̆p Tam klăc bal jŏ jòng mờ lơgar Việt Nam. Tàm dơ̆ wă Kwang ătbồ bè priă jền lơgar Nhờk Katsuo Yakura, Ƀộ trưởng Hồ Đức Phớc đơs tai bơta git gơ̆p lơh broă bal đah Cíñ phủ lơgar Việt Nam mờ Cíñ phủ lơgar Nhờk kơl jăp mờ bơtàu tơnguh jăt tơngai.
Viết bình luận