Dờp jơnau jà bơh Kwang geh jơng tàm Ƀộ Cíñ trị, Kwang atbồ Cơldŭ lơh broă Ủy ƀan lơh broă mờ lơgar ndai Đảng Kộng sản dà lơgar, Ƀộ trưởng Ngoại giao lơgar Lo Vương Nghị, Ƀộ trưởng Ngoại giao Bùi Thanh Sơn lam bồ mpồl kwang bàng lơgar Việt Nam tus bal pơrjum. 

Đơs tàm dơ̆ pơrjum, Ƀộ trưởng Bùi Thanh Sơn đơs nền, Việt Nam sền dờng màng mờ pơn jat tai tă pơgồp jơh nùs ai lơh broă bal đah 6 lơgar. Wèt tus jơnau kờñ bơt bơtàu rài tơnơ̆ do niam bơnĕ ai làng bol in, Ƀộ trưởng neh yal 4 mpồl lơh broă bal lài ngan MLC tàm tơngai tus, tàm hơ̆ geh bơtàu tơnguh ală gah lơh sa mờ măi mok bơnàng jă, rơhời tam gơl bơh crăp mòn gơs kơlôi sơnơng, bơceh lơh mờ lơh gơlik; sơlơ tơnguh mhar tam gơl sồ bơh tìp mat tơm boh bơr broă lơh bè lơh sa sồ mờ lơngăp lơngai tàm internet, lơh broă bal bơtàu tơnguh cau lơh broă sồ, ƀòn dờng ngac ngar, tam gơl sồ ală mpồl lơh sa kă bro dềt ngan, di mơ mờ dềt.