Đơs tàm dơ̆ lơh broă, Ƀộ trưởng ồng Bùi Thanh Sơn đơs tờm, bŭ lah gơtìp gơrềng bal uă ngan bơh kòp gơtờp, mơya bơh tơnơ̆ mờ Hiệp định Kă bro khăt gơboh đah lơgar Việt Nam mờ Mpồl tam klăc câu Âu (EVFTA) mùl màl geh ngui, khà gơguh kă bro đah lơgar Việt Nam mờ lơgar Séc gơguh uă ngan, pah nam rơlao 15%, bơta git gơ̆p đah bàr lơgar geh pờ ơnàng tàm uă gah broă.

Dà lơgar Việt Nam sùm sền mpồl bơtiàn cau lơgar Việt Nam kis hờ lơgar bơdìh là bơnah ờ gơtùi tam cah is bơh jơi bơtiàn dê, tàm tơngu me hơ̆ ală bơta lơh niam wơl di pal bè sră nggal adăt boh lam gơwèt mờ cau lơgar Việt Nam kis hờ lơgar bơdìh; Đảng mờ Dà lơgar neh, gam mờ pơn jăt tai sền gròi, dong kờl, tus bal lơh broă mờ ală gah nàng geh broă sền gròi gơwèt mờ mpồl bơtiàn cau lơgar Việt Nam kis tàm ală lơgar.