Tàm dơ̆ tìp mat cribơyai broă tàm drim ngai 05/6, Ƀộ trưởng ồng Bùi Thanh Sơn đơs nền, Việt Nam sùm sền dờng màng bơta git gơp mờ lơgar Tây, là lơgar geh jơng kuơmàng ngan tàm Mpồl tam klac câu Âu (EU), là lơgar lơh broă bal jŏ jòng bơh Việt Nam dê mờ uă bơta tàm tơrbŏ bal bè kah yau, niam chài, kòn bơnus.

Ƀộ trưởng ồng Bùi Thanh Sơn sồr Cíñ phủ lơgar Tây tò dong, sơlơ sồr Quôk hội lơgar Tây gờñ kĭ Hiệp địñ sền gàr bơcri priă đah Việt Nam mờ EU (EVIPA), sồr Ủy ƀan câu Âu gờñ tă sang jơnau đơs lài kơryan bơh Ủy ƀan câu Âu dê gơ wèt mờ phan tàm dà lơgar Việt Nam dê. Bàr Ƀộ trưởng kung cribơyai bè ală broă tàm tiah do, tàm dunia mờ jơh bal 2 gah sền gròi bal, đơs nền pơn jat tai pơgồp bal jơh nùs mờ tàm dong kờl bal mờ gơp tàm ală mpồl lơh broă, ală dơ̆ cribơyai uă lơgar, ngan là Liên hợp quôk mờ sơlơ tơnguh tơngume lơh broă bal kuơmàng đah ASEAN mờ EU.