Tàm nhai, Kwang àng ală anih, ală tiah neh lùp khàu, jòi gŏ rlau 3 rbô dơ̆ lơh tìs bè rơndăp tăp sèng mpồl bơtiàn, kŭp rlau 6 rbô 300 nă cau. Neh sồr lơh mờ gŏ rlau 2 rbô dơ̆, 3 rbô 469 nă cau lơh tìs bè ma túy, kŭp rlau 67 kĭ heroin, rlau 217 kĭ mờ rlau 89 rbô nai ma túy tàm bơrlŭ. Đơs pơndŭt pơrjum, Ƀộ trưởng ồng Tô Lâm sồr, Kwang àng ală anih, ală tiah pal lơh niam broă lơh sền gàr lơngăp lơngai dà lơgar, rơcăng lài jăt sền nền nòn broă gơlik geh tàm dunia mờ tàm kơnòl ù tiah do nàng di tŭ tă pơgồp jơnau đơs mờ Đảng mờ Dà lơgar ală gùng dà broă lơh dipal. Sền gàr niam lơngăp lơngai tàm dơlam is, lơngăp lơngai lơh sa, lơngăp lơngai internet, lơngăp lơngai cíñ trị dơlam is, lik mŭt mờ lơgar ndai...Lơh mhar tŭ tơngai lùp khàu ală dơ̆ lơh tìs gơwèt broă Mpồl đơng lam dà lơgar bè rơcăng sơndră sa kwề sa kwà, bơta ờ niam jăt sền mờ sồr lơh. Rơcăng lài lam lơh ală broă lơh rơcăng lài kơryan mờ tam dră mờ lơh tìs glài ngòt rơngơ̆t gơ geh, ngan là “lơh tìs gùng drà”, lơh tìs “ai càn priă sa priă cồng uă”, lơh tìs ngòt rơngơ̆t tàm anih internet; tơrgùm tam dră mờ cau lơh tìs bè ma túy...