Bal mờ ală broă lơh wèt tus drơng broă làng bol mờ năc lòt nhơl tàm tơngai lồi nam, ƀòn dờng Dà Làc rcang bơyai lơh uă broă lơh geh ngan nàng gờm chờ 130 nam Ngai crơng gơs mờ bơtàu tơnguh; bè: Dơ̆ đơs crih tam ya dunia nam 2023; mang tìp mat lơh kwèng niam chài đơs crih tam ya đah lơgar Việt Nam mờ Hàn Quốc; dơ̆ ràng tơlik cồng nha lơh sa- mpồl bơtiàn bơh ƀòn dờng Dà Làc; dơ̆ tơnkah 130 nam ƀòn dờng Dà Làc crơng gơs mờ bơtàu tơnguh, wă rò sră jờng rơ ƀòn dờng bơceh lơh bè gah đơs crih tam ya bơh UNESCO dê dờp.

Củ tịc Ủy ƀan Ñân zân ƀòn dờng Dà Làc Đặng Quang Tú pà gĭt, ală broă lơh do ndrờm dơ̆ dùl dơ̆ geh bơyai lơh tàm nhai 12 do, tơngai bơyai lơh uă ngan bơh kàl lòt nhơl ƀòn dờng Dà Làc càr Lâm Đồng dê. Bơh hơ̆, kơ̆p gơn ngan rơ̆p gơ hòi gơ jà uă năc lòt nhơl, pơgồp bơnah sơlơ bơtàu tơnguh gah lòt nhơl đơs is, lơh sa- mpồl bơtiàn bơh càr dê đơs bal.