Phó Thủ tướng Trần Hồng Hà neh tus bal mờ jàu Kơrnuat ring bal rơndap ù tiah. Đơs tàm Dơ̆ yal Rơndap ù tiah ƀòn dờng Đà Nẵng, Phó Thủ tướng Trần Hồng Hà đơs nền: Sră rơndap ù tiah ƀòn dờng Đà Nẵng yal ngai do geh lơh mờ bồ tơngoh tam gơl pa, broă wèt sền jŏ tơngai jat tàm bơta pràn krơi is, tŭ niam geh pơn rơ mờ bơta ƀuơn tàm pơrlòng; lam lơh jat ngan ngồn jơnau lơh nền bơh Ƀộ Cíñ trị dê tàm Nghị quyết sồ 43 ngai 24/01/2019, ai tơnggŏ bơta kơp kờñ ngan bơh làng bol Đà Nẵng dê bè dùl ƀòn dờng pa, kis, anih tờm lơh sa- mpồl bơtiàn dờng bơh gùt lơgar mờ tiah đah jum mat tơngai lik câu Á dê. Ƀòn dờng rơp geh gơnoar broă bơh dùl tàm ală tiah drà tờm bơh ròt ală tiah drà mờ gah gơguh lơh sa tiah đah tô tàm gùl lơgar mờ tiah kềng gah dà lềng tàm gùl dà lơgar, tiah đah tô Tây Nguyên dê. Rơndap ù tiah ƀòn dờng Đà Nẵng dơ̆ do git nền lòt nhơl pơn jat tai là gah lơh sa tờm ngan, bơtàu tơnguh ƀòn dờng gơ gơs anih tờm lòt nhơl mờ broă drơng ala geh bơta niam uă.